Scoil: Cruach (uimhir rolla 15931)

Ar an leathanach seo

1. Dóchas na Caillí

   

   Roinn Roinn Postáil

   Bhí bean ins an áit seo fad ó shoin agus bhí sí iongantach cáibhtheach ann a h-óige. Ach deireadh na sean daoine I gcomhnuidhe, duine óg cráibhtheach gur sin adhbhar sean diabhal agus níl smid bhréige ann. Do réir mur bhí sise ag dul anonn I n-aois bhí sí ag éirigh cianach, corrach, colgach agus conafach. Bhí sí sáite as achan dhuine dá geastaoi uirthí, ach níor thruaighe aon dhuine ach an créatúr fir a chuaidh ann a cleamhnas.
   Ba é eisean a bhí thíos leis. Ní rabh teangaidh le tóghail aicí as. Bhí sí ag seinm agus ag síor-chainnt ó mhaidin go h-oidhche agus ó oidhche go maidin. Bhí an teangaidh a gabhail aicí mar béadh muillean gaoithe ann.
   Bhí sí na measardhacht i dtacha le h-olc fhad agus bhí breach-slainte aicí, ach bhuail broidhteacht í fá dheireadh agus chuaidh sí ‘un diabhal glan annsin. Níor b’fhéidir seasamh léithe nuair a ghlac sí an chlaoidhteacht. Bhí an fear bocht tógtha ó lár aicí, agus chan sin amháin, ach bhí sé sgriosta aicí.
   Bhí a sholathar saoghalta caithte léithe. Ní rabh aon áit thall nó i bhos dá gcualaidh sí doctúr nó liaigh a bheith nár cur sí garm ortha.
   Thug achan fhear a chineal fhéin comhgaisí duithe ach ní rabh gár ann. Níorbh b’fhéidir a cur ar a bonnaí. Dá mbíodh sí na duine mhaith

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Mollaidh Ní Ghallchobhair

   Inscne

   Baineann

   Faisnéiseoir

   Seán a Gallchobhair

   Inscne

   Fireann

   Aois

   80

   Seoladh

   Meenacloy, Co. Donegal