Scoil: Caolchoill (uimhir rolla 16087)
- Suíomh:
- An Chaolchoill, Co. Chorcaí
- Múinteoir: Mícheál Ó Laoghaire
Tagairt chartlainne
Bailiúchán na Scol, Imleabhar 0283, Leathanach 133
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
Íoslódáil
Sonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
- XML Scoil: Caolchoill
- XML Leathanach 133
- XML (gan teideal)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
(gan teideal)
“San t-sean-aimsir bhí smacht dian ag gach athair agus máthair ar a gclann.”
San t-sean-aimsir bhí smact dian ag gach athair agus máthair ar a gclann. Ní baoghal go mbíodh rinncí acu gach oidhche Dómhnaigh. Ní bhíodh cead a gcos agus cead bóthair acu an tráth agus ní feictí cailiín taobh amuigh dá doras féin tar éis tuitim na h-oidhche ó Luan go Satharn ná ó Satharn go Luan act nuair a cuirtí í ar theactaireact go tig cómharsan agus 'b annamh é sin. Annsan ní baoghal go mbíodh sí na h-anonar; bhíodh a máthair, nó a dearbhráthair léí.
Ní bhíodh buachaillí agus cailíní ag suiridhe mar ní gheibdís an chaoi air. Ní castaí ar a chéile iad ach gach Domnach nó lá saoire ag dul nó ag teact ó Aifreann agus nuair do bhíodh cuid aca tar éís sé mhíle do bhóthar do chur díobh ag siubhal go dtí an t-Aifreann agus sé mhíle eile le cur díobh aca abhaile agus a mbolg follamh is beag an fhonn suirighe do bhí orra. Bhuaileadh buachaillí agus cailíni an gleanna uime chéile ar meithealca lín agus meithealaca phrátaí agus ama eile mar sin act bhíodh maoirseact dhian orra agus chaitheadh cailíní no buacailli iad féin d'iompar i dtig an fhir thall cómh maith a's dá mbeidís i dtig a n-athar féin. Dá suidhefheadh cailín ar ghlúinibh buachalla an tráth úd do baistfí striapach mar ainm uirrí láithreach. Mara mbeadh dearbhráthair léi ar an meithil agus go bhfanac cailin tamall de'n(leanann ar an chéad leathanach eile)