Scoil: Sliabh na Cille (uimhir rolla 14513)

Ar an leathanach seo

1. Amhrán

   “Tá bruach Abhann Buidhe a choidhche choidhche gan subhailce ¶ Ó d'imigh sí uainn-ne Plannda na Ruairceach”

   

   Roinn Roinn Postáil

   Fuaireas an píosa seo leanas ó shean- fhear darbh ainm Proinnsias MacFhlannchadha a bhí 'na chomhnuidhe i mbaile talmhan Sréách na Fearna, i bparóiste Baile na gCléireach, Co. Liathdroma. Lá Fhéile Peadair is Póil, 1928, do sgríobhas síos uaidh é. Ní raibh mórán Gaedhilge aige ach chuala sé an t-amhrán seo dá rádh ag na sean-daoine. Dob fhéidir leis féin é do chasadh go binn. Ní raibh a fhios aige cé chum é. Fuair sé bás go luath 'na dhiaidh sin. Sílim go raibh sé timcheall le 75 bliadhain d'aois nuair d'éag sé.

   
   " Tá bruach Abhann Buidhe a choidhche choidhche gan subhailce

   Ó d'imthigh sí uainn-ne Plannda na Ruairceach;

   'Sí ba deise cos, leaca 'gus 'eadan

   Is le n-a dhá láimh gheala do scaipfeadh sí an saoghal

   Agus ochón ó.

   
   Agus Eachdhruim Mór is tú atá buaidheartha

   Ní iongnadh liom duit ó d'éag Eoghan Early,

   Ní ghoirfidh an chuach is ní labhóchraidh an traona,

   Is tá an bradán bán ag fagháil bháis le buaidhreadh

   Agus ochón ó.

   
   Agus Eoghan ó Mochóirghe bheirim fhéin a' sway dhuit,

   Is ar do theaghlahc gheobhfaidh an pléisiúr,

   Bhí fíon i n-a thuile agus punch dhá léir sin

   Agus tá pléidhe seamra (?) ag Clann na nGaedheal

   Agus ochón ó

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Topaicí

   1. seánra
      1. filíocht
         1. filíocht na ndaoine (~9,504)

   Teanga

   Gaeilge

   Faisnéiseoir

   Prionnsias Mac Fhlannchadha

   Inscne

   Fireann

   Aois

   75

   Seoladh

   Gréach na Fearna, Co. Liatroma