School: Northampton (roll number 6396)

On this page

1. Féiltí na Bliana agus a mBaineann leob

   

   Share Share Post

   A) LÁ BEALTAINE:-

   Théigheadh na sean-Witcheanna amach lá Bealtaine ag cruidh na beithidhigh bhainne iad (?) le go mbeadh an t-im agus an bainne aca féin ar feadh na bliana. Bhí fear san áit seo agus chonnaic sé an Witch seo ag cruadh na bó a bhí aige. Lean sé féin is a chú í. An nóiméad is a bhfaca sí ag teacht é dhein sí giarfiadh dí féin. Lean an chú í agus chuaidh sí i bhfad. Bhí bothaínín aice agus is ann isteach a ghabh sí. Bhain an chú lán a béil as a más agus í ag dul isteach. Ghabh an fear isteach 'na diaidh agus bhí sé ag lorg an ghirrrfiaidh a chuile áit. Bhí an chú ag dul timcheall ar an gcailleach mar fuair sí baluth na fola uirri. Chroc an fear suas a cóta agus chonnaic sé loch fola fuithe. Bhain sé geall aiste nach dtiocfadh sé arís choidhchin ag crúdh a chuid beithidhigh.

   N.B. - Bean a bhí thiar i mbárr Béil na Tulach (Corkscrewhill) ní raibh greim ime timcheall nách raibh goidthe aice. Séard a bhí aice ná lámh duine mhairbh a thóg sí as an uaigh. Núair a chuirfeadh sí an lámh síos sa gcuigeann nó sa meadar is í a' deánamh maisitriú bheadh neart ime aice ar an nóiméad.

   (P. O'Nualláin a thug amach)

   (continues on next page)

   

   Transcribed by a member of our volunteer transcription project.

   History Edit

   Topics

   1. events
      1. events (by time of year) (~11,476)

   Language

   Irish

   Informant

   P. Ó Nualláin

   Gender

   Male

   Age

   80

   Address

   Kinvarradoorus, Co. Galway