Scoil: Corra Finne (uimhir rolla 12877)

Ar an leathanach seo

1. Béaloideas

   

   Roinn Roinn Postáil

   Chuaidh beirt fhear go damhsa, oidhche amháin. Bhíodar ag damhsa go dtí a dó a chlog ar maidin. Ansin thosuigheadar ar a mbealach abhaile. Ní raibh ach míle den bhóthar curtha uatha, nuair a thosaigh sé ag cur bháistighe. Shuidh an bheirt aca, Seán agus Pádhraig, faoi bhun crainn ar feadh tamaill. Chuala Seán torann, mar bheadh capall ag rith. Na sidheoga a bhí ann agus thugadar Pádhraig leo. D'fhágadar fear eile i-n-a áit ach cheap Seán gurbh é Pádhraig a bhí ann i gcomhnaidhe. Nuair a bhí an bháisteach thart, thosuigheadar ag siubhal arís. Do chuireadh Seán ceist ar Phádhraig, anois agus arís, ach ní bhfaigheadh sé freagra ar bith. Lá ar na bhárach, chuaidh Seán chuig tigh Phádhraig agus d'iarr sé ar a mháthair cá raibh Pádhraig. Dubhairt sí go raibh sé sa leaba, go raibh sé an-tinn. Annsin chuaidh sé abhaile. Lá ar na bhárnach, tháinig sé arís, agus dubhairt a mháthair go raibh sé beagnach marbh. An oidhche chéadhna fuair sé bás, agus bhí brón mór ar mhuinntir an tighe ach ní hé Pádhraig a fuair bás. Bhí sé ins na sidheogaibh. Oidhche amháin i-na dhiaidh sin, chuaidh Seán agus buachaillí eile go damhsa. Bhíodar ag rinnce ar feadh na h-oidhche, agus sul a raibh an damhsa thart, d'éalaigh Seán amach i-ngan fhios do na buachaillí eile, mar bhí tuirse air. Do shiubhal sé go dtáinig sé go teach a

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Mairghéad Ní Chearbhaill

   Inscne

   Baineann

   Seoladh

   Corrofin, Co. Galway

   Faisnéiseoir

   Seán Ó Chearbhaill

   Gaol

   Tuismitheoir

   Inscne

   Fireann

   Aois

   73

   Seoladh

   Corrofin, Co. Galway