Scoil: Béal Átha Hubhla (B.) (uimhir rolla 3997)

Ar an leathanach seo

1. Gleann an Ghadaí

   

   Roinn Roinn Postáil

   Tá áit ar an dtaobh thoir theas de'n sráid bhaile, agus sé an ainm atá ar ná Gleann an Ghadaighe. Tá sé ar an mbothar go dtí Cill-an-Mhuilinn, agus tá chasadh mór ann. Tá chnoc dainséarach in aice an ghleanna. Ta an gleann anois fé chrannaibh. Tá sruth deas ag snighe tríd an ghleann.

   Deirtear go raibh gadaighe ann fadó agus bíodh sé ag goid oir, airgid, agus rudaí luacmhara o's na daoine mór thimcheall. Nuair a bhí a lán dé aige chuir sé isteac i bpróca mór é agus chuir sé é i bhfolach fe'n dtalamh agus léipréachán ag tabhairt aire dó. Sa deire rug saighdúirí Sasana air, cuireadh i bpríosúin i gCorcaigh é, do dtrialladh é, agus cuireadh chun bháis é. Sar ar crocadh é d'innis sé an scéal do fhear eile a bhí san bpriosún. Nuair a tháinig an fear amach d'innis sé an scéal do bhéirt fhear eile in aice na h-áite agus do chuadar ar lorg an óir. B'iad ainmneacha na beirte sin Parthalan Mathgamhna agus "Duine Uasal" Lubhard. Tá a múinntear na gcómhnaidhe san áit fós. Rugadar ar an leipreachán, agus dubhairt sé leo go dtasbaínfeadh sé an áit in a raibh an t-ór dóibh ach go bhfuigheadh duine acú bás nuair a gheóbhaidís an t-ór. Annsan do bhí eagla ortha cuardigh i gcomhair an óir mar ní raibh fhios acú cioca duine a geobhadh bás. Tá an t-ór ann fós agus an leipreachán ag tabhairt aire dó.

   Liam Ó Lombárd
   Baile-Átha-h-Ubhla Theas

   
   Fuaireas an scéal seo ó mo uncail Séan Lubhard a

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Liam Ó Lombárd

   Inscne

   Fireann

   Aois

   16

   Seoladh

   Baile Átha hÚlla, Co. Chorcaí

   Faisnéiseoir

   Seán Ó Lombárd

   Gaol

   Duine gaolta (nach tuismitheoir ná seantuismitheoir)

   Inscne

   Fireann

   Seoladh

   Baile Átha hÚlla, Co. Chorcaí