Scoil: Baile an Chaisleáin
- Suíomh:
- Baile an Chaisleáin, Co. Chorcaí
- Múinteoir: Seán Ó Donnabháin
Tagairt chartlainne
Bailiúchán na Scol, Imleabhar 0298, Leathanach 249
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
- XML Scoil: Baile an Chaisleáin
- XML Leathanach 249
- XML “Old Traditions”
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- (ar lean ón leathanach roimhe)249
...na Normanach deirtear i Miodh Ros go raibh muinntear Dhonnabháin ann in am na Lochlannach agus gur ghlacadar a bpairt i gcoinnibh na nGaedheal. Ins an bparóiste sin ta "Castle Ire" mar a tugtar air agus as Bearla. Deirtear gur Ivor O'Donovan "Lochlanach" a thóg é. Tá an leas-ainm "lochlannach" ar threibh de mhuinntear Dhonnabháin agus ní fios cionus a tharla an ainm sin ortha muna mbeadh go raibh roinnt fírinne sa sean-sceal.
Loch Cluthmhar (pron. cluthar).
Sin loch atá um leath mhíle ó "Castle Ire" agus deirtear go bhfeictear go moch maidin lae Bealtaine gach seachtú bliadhain long bhreagh fé seol ag gluaiseacht ar an loch sin. Duine des na "lochlanaigh" a bádhadh ann a thagann thar nais chuige.An tSúil Mhillteach (the "Evil Eye").
Tá daoine fós a chreideann go raibh "an droch shúil" ag daoine airighthe agus dá gcuirtí an t-súil sin ar ainmhidhe no ar dhuine nár b'fhiú puinn ina dhiaidh sin é. Sé deirtear fós go háirighthe i measc na sean daoine nach ceart moladh ná beannachadh do rádh na dhiaidh. Mar chosaint i gcoinnibh daoine na ndroch-súl a deirtear é.
Maidin Lae Bealthaine
An duine is túisce a bhéarfadh uisce ón dtobar an mhaidin sin is aige a bheadh an rath is mó ar feadh na bliadhna. Is mó duine a inis dom go raibh se de nós acha dul amach fé dhein an uisce go moch maidin lae Bealthaine agus gur casadh ortha duine eile ag teacht uaidh no ag dul ann. Muna...(leanann ar an chéad leathanach eile)
