Scoil: Clochar na Toirbhirte, An Daingean

Ar an leathanach seo

1. Bás Dhomhnaill Uí Shúilleabháin

   

   Roinn Roinn Postáil

   Driotháir do Cháit Bhean Uí Chonchubhair do b'eadh an Domhnall Ó Suilleabháin sin agus chomhnuigh sé i Min Árd. Do buaileadh breoidthe é, pian 'na cheathramhain abhí aige, agus bhí sé ag éírighe nios bacaighe in aghaidh an lae. Nuair ná raibh aon fheabhas ag teacht air ach é ag dul in olcas, sa deire chuir sé fios afhear feasa abhí 'na chomhnuighe i Muirbheach, taobh thiar de'n Daingean. Do thug seisean buideál dó ach dubhairt sé leis ar a chluais gan leigint do'n bhuideál cimilt nó teangmháil leis an urlár.

   Bhí sé ag baint úsáid as an mbuideál agus bhí feabhas beag ag teacht air. Bhí driofúir leis sa tigh agus pé útamáil abhí aice sin leis an mbuidéal lá léig sí do teangmháil leis an úrlár. Bhí Domhnall bocht ibhfad nios measa an lá 'na dhiaidh si, chuaidh sé in olcas gach lá as san amach go dtí gur éag sé.

   An lá a fuair sé bás bhí Domhnall Slatarra ag siubhal ar an mbóthar inaice le Garrdha na dTor agus cé bhuail leis ach Domhnall Ó Súilleabháín. Nuair d'innis sé an scéal do Cháit d'fhiafruigh sí dhe an raibh sé 'na bhacach agus dubhairt Domhnall ná raibh. Díreach ag an am a shéaltuigh sé chonnaic Slatarra é, agus é cómh maith is bhí riamh.

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Topaicí

   1. gníomhairí (~1)
      1. neacha neamhshaolta agus osnádúrtha (~14,864)

   Teanga

   Gaeilge

   Faisnéiseoir

   Sr. Eibhlín Ní Chonchubhair

   Inscne

   Baineann

   Aois

   54

   Gairm bheatha

   Bean rialta (Léirítear teidil na ngairmeacha i mBailiúchán na Scol sa bhunteanga inar cláraíodh iad)

   Seoladh

   Daingean Uí Chúis, Co. Chiarraí