Scoil: Druim Caoin

Ar an leathanach seo

1. Scéal

   “Bhí fear ann am amháin agus bhí triur mhac aige. Ní rabh fhios aige cadé dhéanfadh sé leóbhtha.”

   

   Roinn Roinn Postáil

   Scéal.

   Bhí fear ann am amháin agus bhí triúr mhac aige. Ní rabh fhios aige caidé dheánfadh sé leóbhtha. Ní rabh ann a chuid talaimh acht ceithre míle dhéag. Níor mhaith leis duine ar bith aca a bheith fa sheacht mhíle de na chéile. Fuair sé ionnsar fear dhall a bhí ar an bhaile a dh'iarraidh comhairle air. D'iarr sé broígite fainne is leabhar. Scáirt sé isteach ortha 'reír duine as duine. D'fhág sé na trí rudaí ar an tabla. Scairt sé ar an fhear a ba shine. Thóg sé an bróigite. Scáirt sé ar an dara fear. Thóg sé an fainne. Scáirt sé ar an tríomhadh fear: thóg sé an leabhar. Fuair sé ionnsar a' dall. D'innis sé dhó cé'n fear a thóg an leabhar. D'iarr sé a shaith de'n leabhar a thabhairt dó. Nuair a bhí oiread léighinn aige as bhí an maighistear ábalta thabhairt dó d'iarr an dall air capall gorm a bhí aige nach rabh amuigh le seacht mbliadna a thabhairt amach go dtabhradh sé deoch duithe, as go muitheochadh sí fad a shean-acla (?). D'imthigh an capall annsin. Ghread sí leithe go dtí go dteachaidh sí go dtí coillidh. Stad an capall annsin as ní rachadh sí ní bhfuide. Tháinic sé anuas duithe annsin. Thug sí a'n léim amháin as d'fhág sí an sraín in a láimh. D'imthigh sí, agus annsin fuair seisean isteach san choillidh.

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Innéacs seanscéalta

   AT0300: The Dragon‑Slayer

   Teanga

   Gaeilge

   Bailitheoir

   Seán A. Ó hArthaighe

   Inscne

   Fireann

   Seoladh

   Gleann Léithín, Co. Dhún na nGall