Scoil: An Mhín Mhór (uimhir rolla 16342)

Ar an leathanach seo

1. An Crochaire Tarnocht (ar lean)

   

   Roinn Roinn Postáil

   (ar lean ón leathanach roimhe)

   Chuaidh sé cómhair fhad leis a chúirt agus smaoi’tig nach rabh ‘fhios aige goidé an cineal duine a bhí ins an rígh, agus go mbféidir gur ‘un báis a chuirfeadh sé é gan ceathramha anamha gan tagail, agus go mbfeárr do fanacht uadh go bhfeicfeadh sé goidé an nádúir a bhí aige.
   Thréig sé cúirt an ríogh agus chuaidh sé síos bealach eile agus casadh isteach e ina dteach bheag dheas dheismear. Ní fhuair sé ann acht seanbhean aosta. D’iarr sé ósd na h-oidhche go maidín uirthí. Dubhairt sí nach rabh áit aici d’fhóghnóchadh do ghaisgidheach d’a mhac-a-samhail.
   “Maise”, ar seisean, “nuair atá tú fhéin ag deánamh leis i gcomhnuidhe, nach bhfuil sé maith go leor agam-sa oidhche amháin”. Dubhairt sí leis a bheithidheach a ceangal d”on doras agus a theacht ar aghaidh. Thainic sé ar aghaidh, agus d’éirigh an t-seanbhean, agus chuir sí síos uisge ar an teinidh, agus d’iarr sí air a chosa a nighe ins an uisge theith, no go rabh sé tuirseach.
   Nuair a bhí a chosta nighte aige d’éirigh sí in a suidhe, agus rinne sí réidh a shuipear.
   Nuair a bhí a shuiphear deánta aige chóirigh sí leabaidh mhín luachra dó. Chuaidh sé a luighe, agus ní fada a bhí sé in-a luighe nuair a sinneadh na trí gháire ba mhó a chualaidh sé ariamh

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Innéacs seanscéalta

   AT0300: The Dragon‑Slayer

   AT0302: The Ogre's (Devil's) Heart in the Egg

   Teanga

   Gaeilge

   Bailitheoir

   Pádraic Ó Breisleáin

   Inscne

   Fireann

   Seoladh

   Cnoiceach Mór, Co. Dhún na nGall

   Faisnéiseoir

   Muiris Ó hUiginn

   Inscne

   Fireann

   Aois

   72

   Seoladh

   Ard an Rátha, Co. Dhún na nGall