Scoil: Sailearna (Buachaillí)

Ar an leathanach seo

1. An Triúr Iníon (ar lean)

   

   Roinn Roinn Postáil

   (ar lean ón leathanach roimhe)

   thacht sé í. Annsin chuaidh sí chuig tobar le deoch a ól acht d'athruigh an gadhairín é go fuil agus níor fhéad sí é a ól. Le tuitim na h-oidhche chonnaic sí solas beag i bhfad uaithe agus ní i ngar dá sróin. D'imthigh léithe an boithrín caol, casta, aimhréidhteach a raibh clocha glasa dromacha agus gairbhéal géar gáibhtheach garbh-thaobhach mar brat air ag déanamh ar an solas. I gcionn achar uaire shaoráideach, tháinic sí ar thig an t-solais agus bhuail sí cnap cruaidh druim-láimhe ar an doras. D'fhosgail bean an tighe agus d'fhiafruigh cé a bhí ann. D'fhreagair an cailín agus dubhairt, - "Cailín bocht ag iarraidh aimsire agus lóistín na h-oidhche."
   "Is tú a theastuigheas uaim" ar sise. "Tiubhraidh mé giní dhuit acht an seomra i mbarr an tighe a chumhdach." "Déanfaidh sin," adeir an cailín. Annsin leagadh chuile shaghas bídh chuice ar fhaitcíos go mbeadh ocras ná tart uirthe. Ar maidin nuair a chuaidh bean-an-tighe isteach sa seomra fuair sí an cailín tuitthe as a seasamh agus í caillte.
   Nuair a bhí lá is bliadhain thart, dubhairt an dara h-inghin ins an mbaile, "Tá sé lá is bliadhain anois ó d'imthigh mo deirbhfiúr agus tá sé chomh maith dhom-sa imtheacht freisin." "Déanfaidh sin' adeir an mháthair, "tabhair leat an bodhrán agus tabhair leat an méid uisge ón tobar agus a dhéanfas an cáca mór agus mo mhallacht agus an cáca beag agus mo bheannacht." Thug an inghin ar ais an t-uisge agus rinne an mháthair na cácaí. Nuair a bhíodar bruidhte, d'fhiafruigh an mháthair den inghean,

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Innéacs seanscéalta

   AT0425: The Search for the Lost Husband

   AT0480: The Spinning‑Women by the Spring. The Kind and the Unkind Girls.

   Teanga

   Gaeilge

   Bailitheoir

   Máirtín Ó Cúláin

   Inscne

   Fireann

   Aois

   13

   Seoladh

   Cor na Rón, Co. na Gaillimhe