Scoil: An Áird (Ardfield), Clanna Caoilte (uimhir rolla 12147)

Ar an leathanach seo

1. Triail na nAsal fén gCéacht

   

   Roinn Roinn Postáil

   Fear bocht go raibh páircín le treabhadh aige. Ní raibh aon chapall aige agus do thriall sé na h-asail fé'n gcéacht agus chuadar 'na choinne. Bhí file darab ainm Seán Ó Lombáird a'feachaint ar a'spóirt agus dhein sé an t-amhrán seo ag magadh fútha:

   "Bhí páircín coinnleach ullamh agam lá Márta chun treabhadh
   Agus soc is colltar gleasta 'gam go h-álainn ón ngabha.
   Do ghlaodhas ar mo theachtaire, Diarmuid Siotara dob' ainm dó,
   Chun dul i ndiaidh na n-asal do bhí ar pháirc eile a'damhas.
   Dá mbeadh sé a'fuadhach na n-asal i n-aonair gan ao'chabhair,
   Go deimhin ní bheadh siad gabhtha 'ge i gcóir laé deire a'domhain,
   Mar do bhí a'crith le h-eagla agus mise féin a'gol mairgeach,
   Agus tímcheall beal an eadartha bhí ár bpáircín a'threabhadh.
   Bhí Paid Sheáin Diarmada 'na sheasamh ann agus dob'árd a bhí a cheann.
   Dubhairt sé "Scaoil anuas mo h-asal-sa chun go dtéighead-sa ar a ceann,
   Mar do bhí sí indé ar mhargadh agus do bhí sí a'rith 'ndiadh asal-a
   Agus b'fhearr lem'athair marbh í ná aon fhód a threabhadh."
   B'é Diarmuid Siotara an "ploughman" dob'fhearr a bhí sa domhan.
   Do threabhfadh sé na leachain
   dhuit go slachtmhar is go sleamhan,
   Mar do bhí sé a'treabhadh i Sasana, is do bhí sé i bhfad i n-Albain

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Faisnéiseoir

   Donnchadh Ó Fínn

   Inscne

   Fireann

   Aois

   c. 50

   Seoladh

   Dún Eoghain, Co. Chorcaí