Scoil: Cill Mhic an Domhnaigh, An Daingean (uimhir rolla 11146)

Ar an leathanach seo

1. Céadach agus Grua Dhearg (ar lean)

   

   Roinn Roinn Postáil

   (ar lean ón leathanach roimhe)

   Fúair Díarmaid árthac agus seo leis ar tríall ar an nDomhan Thoir. Níor stad sé ríamh ná choídhche go ndeacaidh sé go dtí an áit ina raibh an chráin. Ghabh se leis na trí banaí agus ní fada bhí se imthigthe núair a bhraith an chráin na banaí imthighte. D’imtigh sí na ndíaidh agus ní mór den slíge bhí Diarmaid imtighte, bhí sí ag teacht chomh dían gearaid sin do agus go mbáthfhadh sí é. Chaith sé chuíche ceann des na banaí agus d’imthig sí go dtí an ngnáthóig leis agus do shocruig sí ann é. D’imthig sí arís na dhiaidh ag tríall ar cheann eile agus bhí sí ag déanamh air chun é féin agus an tárthach a shlogadh núair a chaith sé chúice an dara ceann.
   D'imtigh sí leis an dara ceann agus chuir sí san ngnathóig é agus lean sí an tríomhadh úair é ag lorg an tríomhadh ceann. Bhí sé gearaid don dtír agus an muc na dhiaidh núair adúbhairt Fionn leis go raibh úbhall práis i gcliáthán an árthaig agus é a chaitheamh ar an gcráin. Do fúair sé an túbhall agus thug sé fúithe leis agus do mhairbh. Annsan do chuir sé a ghath ínnte agus do tharaing sé isteach ar an dtraigh leis í.
   Mharbhuigheadar an banbh agus scaoileadh braon den fhuil ar Chéadach agus bhí sé cómh maith agus bhí sé ríamh. Annsan thógadar an damh agus an cráin leo go Cúirt Fhínn. Chúaidh Céadach abhaile go dtí na thig féin agus mhair sé go sona síothcánta as san amach. Núair a thánaig Fionn go dtí an mnaoí a bhí san Séipéal ní raibh ínnte roimis ach na cnámha.

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Muiris Ó Flaithbheartaigh

   Inscne

   Fireann

   Seoladh

   Cathair Boilg, Co. Chiarraí

   Faisnéiseoir

   Pádraig Ó Flaithbheartaigh

   Gaol

   Tuismitheoir

   Inscne

   Fireann

   Seoladh

   Cathair Boilg, Co. Chiarraí