Scoil: Caisleán na hÉille (The Neale)

Ar an leathanach seo

1. Tomás Fuilteach de Búrca (ar lean)

   

   Roinn Roinn Postáil

   

   Níl tú logáilte isteach, ach tá fáilte romhat tras-scríobh a dhéanamh go hanaithnid. Sa chás seo, déanfar do sheoladh IP a stóráil ar mhaithe le rialú cáilíochta.

   (ar lean ón leathanach roimhe)

   agus do scread sé agus do bhéic sé ortha é a chosnamh acht cheapadar gur ag ramhailligh a bhí sé gur chonnaiceadar é ag árdughadh as a leabtha agus ghá chaitheamh go traen in aghaidh na talmhan agus a screadú agus a bhéicí ag déanamh macalla tré an chaisleán. Tháinig an maidin is bhí Tomáisín buailte amach agus beagnach i ndeire na fríghde le teann sgeon is laige. Is beag neart a bhí ann i rith an lae ach a speallraoi is a caint tré na cheann. Um thráthnóna tháinig sé chuige féin beagáinín is do gheall sé gach a raibh aige do a lucht coimhdheachta acht gan an taibhse a leigeann isteach chuige an oidhche sin. Thuit an oidhche go luath is bhí droch-chosamhlacht ar an aimsin. Bhí an loch go hana-corruighthe is na sléibhte go bagarthach le tuitim na hoichche. Ag tarraingt ar an meadhon oidhche bhris stoirm mór anuas ar an gcaisleán. Cheapfá gur áil leis an ngaoth an caisleán a leagadh go talamh agus fearrthan é a shlugadh léi. Bhí an tóirneach ag déanamh micalla leis na sléibhte agus an tein[treach] ag lasadh na spéire. Tháinig an meadhon oidhche agus chomh cinnte is a tháinig sé tháinig an taidhbhse agus dá láidir a shéid an ghaoth agus dá mhéid glóire na tóirnighe chuala Tomáisín ag tigheacht é. Do chuir sé scread in dhiaidh scread as a bhain[feadh] deoraí as na clocaibh glasa agus rug sé greim ar cholp na leabthan chun é féin a shábháil acht sin a raibh aige dá bhárr. D’árduigheadh é go díon an tseomra agus caitheadh síos arís in aghaidh an talmhan é le plimp amháin agus cheapfá gur ceart gach cnámh a bheith briste ann. D’árduigheadh arís é agus caitheadh arís é. Annsin d’árduigheadh an tríomhadh uair comh hard leis an díon é. Leig sé scread uathbhásach as a dhúisigheadh na marbh agus annnsin bualadh le traen iarraidh in agha na talmhan é. Shéid an ghaoth, do bhuail an fearrthan. Do bhain an tóirneach macalla as na sléibhte is do leas an teintreach an seomra agus annsin scar anam Thomáisín ó na chorpa agus chuaidh Rí Concubhar chun suaimhneas.

   Sábháil Cealaigh

   Conas tras-scríobh a dhéanamh »

   Má chliceálann tú ar an gcnaipe sábhála, glacann tú leis go mbeidh do shaothar ar fáil faoi cheadúnas Creative Commons Attribution-NonCommercial 4.0 International License agus gur leor nasc chuig dúchas.ie mar aitreabúideacht.

   Teanga

   Gaeilge

   Bailitheoir

   Bríghid Ní Fhearchair

   Inscne

   Baineann

   Aois

   14

   Seoladh

   An Baile Glas, Co. Mhaigh Eo

   Faisnéiseoir

   Máire Bean Uí Dhroighneáin

   Ainmneacha eile

   Máire Bean Uí Dhroighneáin

   Mrs Mary Thornton

   Inscne

   Baineann

   Aois

   96

   Seoladh

   Baile Uí Ruairc, Co. Mhaigh Eo