Scoil: Sean-Chill
- Suíomh:
- Shankill West, Co. Galway
- Múinteoir: Riobárd Ó Conaill
Tagairt chartlainne
Bailiúchán na Scol, Imleabhar 0080, Leathanach 063
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- Lá tar éis do bhánaidh an Connallánach an tighearna talmhan Gort a Ghannaigh i m-Buidhe Amhanach in aice le Glean" na Maith Duibhe, Co. na Gaillimhe, fuair Sadhbh Ní Éanacháin bás. Chruinnigh na daoine agus shocraigh siad na sean rataí agus na cliathacha suas le taobh an chlaidhe as cuireadh ós cionn cláir í. Tháinig an Connallánach chuig teach a chuirp as nuair a a chonnaich na daoine é ag teacht chritheadar le faithchios gur a teacht a leagan an bhotháin a bhí sé.Thosuigh corp an chreatúir bhoicht ag séideadh alluis mar chonnaich gach duine í a bhí a lathair.Deich mbliadhna agus fiche in a dhiaidh sin fuair an Connallánach bás agus chruinnigh na sean tunóntai do dhibhir sé as Gort an Ghannaigh agus tosuigh siad dá chaoineadh. Shaoil muinntir an tighe gur dá ríre a bhí siad ag caoineadh ach is a caoineadh magaidh a bhí siad.Arsa Micil Risteard "leig dúinn é a caoineadh mar sé a d'fhág adhbhar na caointe againn nuair a cur sé amach as ár n-goirtiní míne réidh muid agus chuir sé sios ar an annach muid." "Mo lean nach deich mbliadhna fichead ó shoin a shín tú" arsa ceann eile aca. "O bhó bhó" arsa fear eile "ní h-é atá mé a caoineadh ach gamhan na Maoile a cailleadh aréir orm."
- Bailitheoir
- R. O' Connell
- Seoladh
- Kilkerrin, Co. Galway
- Faisnéiseoir
- Padhraig Ó hÉancháin
- Inscne
- Fireann
