Scoil: Cill Chartha
- Suíomh:
- Cill Charthaigh, Co. Donegal
- Múinteoir: Eighneachan Ó Muireadhaigh
Tagairt chartlainne
Bailiúchán na Scol, Imleabhar 1042, Leathanach 285
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
- XML Scoil: Cill Chartha
- XML Leathanach 285
- XML “An Caiseal”
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- An Caiseal
Ar an taoibh siar de Chill Chartha tá'n Caiseal agus ar an teorainn leis. Níl baile ins an pharróiste comh Gaedhealach leis an Chaiseal. Choinnigh muinntir an bhaile seo greim ar shean nósanna agus tréartha na nGaedeal nuair a bhí siad ag sleamhnughadh ar siubhal o móran de na bailtibh eile.
Níl ar an bhaile anois ach deich dteaglaigh, bhíodh suas le scór ann leith-chéad bliadhain ó shoin. Tá 'n Gaedilg go tréan annseo go fóill, ach d'imigh na scéalta, na hamhrain, an greann agus neart eile leis an tsean-bhunadh.
Ar iasgaireacht baineann muinntir an bhaile sligh'e beathadh amach mar rinne a mbunadh a thainig rompa le na ciontaibh. Ní fiú gabhaltas a thabhairt ar an spleotan bheag talaimh a bheir préatac agus coirce daobhtha agus tá na spleotain seo féin comh croctha ar mhalaidh an chnuic go b'fuil sé maslach ag duine siubhal orthú ní amhain obair a dhéanadh orthú. Is iomdha deor alluis a thuit ar an talamh ceadna agus is iomdha cnead a baineadh amach as cliabhracha na daoine bochta a thug iarraidh an talamh a leasughadh le leas fairrge a b'éigin daobhtha iomchar ar a ndromanna ó'n tráigh suas araghaidh an chnuic.
Thainic sé ar na mnáibh an chuid is mó de'n obair seo a dhéanadh na bhíodh na fir i gcomhnaidhe(leanann ar an chéad leathanach eile)
