Scoil: Scoil Chuimín (uimhir rolla 4786)
- Suíomh:
- Pollagh, Co. Galway
- Múinteoir: Gearóid R. Ó Laidhigh
Tagairt chartlainne
Bailiúchán na Scol, Imleabhar 0066, Leathanach 126
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
- XML Scoil: Scoil Chuimín
- XML Leathanach 126
- XML “Pósaithe”
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- (ar lean ón leathanach roimhe)naoi a chlog maidin lá ar na bharach.Sul a mbeadh an margadh socruighthe do bhiodh "Oidhche an Iarraidh" ann. Le go mbféidir go mbíodh gach rud socruighthe ar aonach nu ar mhargadh ní bhiodh sé ádhamail gan "Oidhche faoi Leith" a chaitheadh ag teach na mná oige. An tIarraidh a bhí ar an oidhche seo. An fear óg agus a mhuinntear a thagadh ag teach na mná óige ag iarraidh na mná oige ar a h-athair. Bhiodh damhsa agus ceol aca agus neart le nithe agus le n-ól, acht ní bhiodh moran daoine ann acht na gaolta ar an dá thaoibh.Dá mbeadh an bhean óg sásta agus a mhuinntir leí, do bhiodh an tarna oidhche ann. Oidhche an Chleamhnais. Ag teach na mná oige do bhiodh an oidhche seo freisin, agus na daoine ceudna a bhiodh ann. Bhiodh an fear óg go curamach "Dligheadóir" crionna a thabhairt leis le "brabac maith" a bhaint amach. Bhiodh an spré socruíghte ata an oidhche seo - idir airgead, beithí agus caoraigh - cuid den airgead shios an oidhche sin - agus cuid de théis bliadhna - an oiread seo dá mba mac a bheadh ann - a leath sin da mba ingean a thiocfadh ar an saoghal - dá mba rud é nach mbeadh clann ann "I n-ám nadúrtha reasunta" ní biodh aon airgead le fail ag an bhfear og acht amhain a meid a fuair sé Oidhche an Chleamhnais.
