Scoil: Ráithín (B.) (uimhir rolla 9304)

Ar an leathanach seo

1. Slí na Naomh (ar lean)

   

   Roinn Roinn Postáil

   (ar lean ón leathanach roimhe)

   Nuair a shrois sé an Guagán thug sé fé ndeara gur dhearmaíd sé a spéaclaí agus a leabhair ar Dhrom a’ Bhráca. Thug sé an n sgéal do’n duine a bhí ar a chúl agus thug seisean an sgéal do’n duine a bhí ar a chúl agus chuaidh an sgéal ó dhuine go duine mar sin gur shrois sé an fear deiridh. Bhí an oiread san díobh ann, ná raibh an fear deiridh tar-éis Tobar na Naomh d’fágaint go fóill agus do rug sé leis na leabhair agus na spéaclaí ann fós ar chloich.

   N.B.
   A deir seanduine Fíngín Ó Donnchadha, Gort Lice nach ceart an t-ainm sin “Slighe na Naomh” in aon chor, gur airigh sé a athair a rádh gurbh é an t-ainm ceart ar an dtobar ná – “Sileadh na Naomh.” Go raibh Naomh Fionnbarra ag léigheamh Aifrinn ar Dhrom-a-Bhráca agus gur theip air uisge d’fagháil in ghair dó. Níor dhein sé ach Fíoghair na Croise a dheanamh ar an gcloich le’n a bhacall agus do phléasg fíor-uisge amach as an gcloich agus nár stad sé riamh de’n síleadh ó shoin anuas, agus gur tháinig sruthán eile isteach ann leis an aimsir.

   Ainm an duine a bhfuaras an sgéul uaidh:- Domhnall Ua Loingsigh
   A Sheoladh – Cluain Caoin, Gleann Fleisge, Cill-Áirne
   A aois – 72 bl.
   Slighe-bheatha – Feirmeóireacht.

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Faisnéiseoir

   Dómhnall Ua Loingsigh

   Inscne

   Fireann

   Aois

   72

   Gairm bheatha

   Feirmeoir (Léirítear teidil na ngairmeacha i mBailiúchán na Scol sa bhunteanga inar cláraíodh iad)

   Seoladh

   Cluain Chaoin, Co. Chiarraí