School: Cluain Chumhra (roll number 15660)

On this page

1. Rum Raice (continued)

   

   Share Share Post

   (continued from previous page)

   tínnteáin agus chuir an duine bocht gnús as. sin ar dhein. Bhí Máire Stiabhna - seana bhean ar an mbaile - ag cur ím leachta siar air le spíonóig fean na h-oidhche agus bhídís á shuathadh, sall 's anall le n-a cheann feuchaint a sleamhnóchadh an t-ím leachta siar air. Tar éis tamaill i gcomhnuidhe thógaidís ar chathaoir amach sa bhuaile é - ó agus an fuacht a bhí ann mar i ndeire an gheimhridh a b'eadh é agus bhídís ag cimilt a leacan agus a chluas. Chuireadh sé gnús as nuair a goirtítaí na cluasa aige. Ar breacadh an lae ar maidin - agus gan stad ná staonadh ar sheana Mháire Stíobhna fean na hoidhche - ach ar bhreacadh an lae ná raibh an dé ag teacht ann. B'é an nós nú an dlighe an uair sin aon raic a thagadh go gcaitheadh na Coastguards é d'fhágail agus caithidís sin é coimeád go ceann lae is bliana agus é chur ar ceaint annsan agus muna ndéanfadh sé na coistisí do dhíol as féin chaithfaí é chaitheamh i leath taoibh le h-ionus go raibh sé gan mhaith gan tairbhe. Bhí ana shaoghal aiges na Coastguards agus a lucht leanúna agus cuid mhaith de mhuinntir an Daingin ar an rum agus nuair a bhí an lá is bliain caithte chuireadar an sathach ar ceaint agus toisg go raibh a fhios acu go léir ná raibh annsan ann ach uisge níor cheannuig aoinne nidh nách iongnadh agus d'iompuig Ho[p/r?]n, an Coastguard, béal an tsotaig fé agus sgaoil le fánaig a raibh ann agus ní raibh a mhéala ar aoinne.

   

   Transcribed by a member of our volunteer transcription project.

   History Edit

   Topics

   1. time
      1. historical periods by name (~25)
         1. the great famine (~4,013)
   2. products
      1. food products (~3,601)

   Languages

   Irish

   English

   Informant

   Pádraig Ó Súilleabháin

   Relation

   Parent

   Gender

   Male

   Address

   Cinn Aird, Co. Kerry