Michael J. Murphy

Rugadh Michael Joseph Murphy i Learpholl Shasana in 1913, mac le Michael agus Mary Murphy ar de bhunadh Dhromainn Tí, deisceart Ard Mhacha, iad ó dhúchas. Is uathusan a chuala sé na chéad scéalta. Chaith Michael na blianta tosaigh thall agus d’fhill siad ar ais go hÉirinn agus go dtí a ndúiche in Ard Mhacha agus é in aois a hocht mbliana d’aois.

Chaith Michael tamall ina oibrí feirme agus chuir sé eolas maith ar thraidisiúin an cheantair timpeall ar Shliabh gCuillinn, Co. Ard Mhacha. Tharraing a leabhar At Slieve Gullion's Foot (1940) aird Shéamuis Uí Dhuilearga, Stiúrthóir Oinigh Choimisiún Béaloideasa Éireann, agus thug sé cuireadh dó bheith páirteach in obair an Choimisiúin ar dtús, agus go lánaimseartha ó 1949. Ón lá sin go ndeachaigh sé ar scor in 1983 bhí Michael i mbun bailithe ar fud Chúige Uladh agus i gCo. Lú. Anuas ar an ngléas taifeadta agus peann agus pár, thugadh sé ceamara leis go minic agus thóg sé na céadta grianghraf de na daoine ar bhailigh sé ábhar uathu agus dá gcuid gnásanna oibre agus sóisialta. Tá siad mar chuid de Chnuasach Bhéaloideas Éireann. D'fhoilsigh sé ábhar leis, agus i measc a chuid leabhar tá: Tyrone Folk Quest (1973); Now You’re Talking: Folk Tales from the North of Ireland (1975); Rathlin: Island of Blood and Enchantment (1983); Sayings and Stories from Slieve Gullion (1990).

Léigh tuilleadh faoi Michael J. Murphy sa bhileog seo.