Scoil: Caisleach (uimhir rolla 16018)

Ar an leathanach seo

1. Scéal - Dómhnall Ó Corcoráin (ar lean)

   

   Roinn Roinn Postáil

   (ar lean ón leathanach roimhe)

   idir é agus tig a h-athar agus dá mbáil leis dul isteach innti agus fás bliana agus fás dhá bhliadhna agus fás trí mbliadhna de d’aois do bhaint agus iad do bhreith leis agus nuair a ragad sé isteach fhiafrú di i ragadh sí le’n a chois abhaile agus dá ndúiltuightheac sí breith ar fhás na bliana agus é smiot uirthi agus annsan munar ragadh sí leis breith ar fhás na dtrí mbliadhan agus é smiot uirthi. Annsan cuirfhinn geall go ragad sí le’n a chois abhaile.
   Tug Dómhnaill Ó Corcoráin go h-aon fhocal ó’n gcoileach agus dúbhairt sé ina aigne féin go ndeanfhad sé do réir comhairle an choilg. D’imthigh sé air agus bhain sé na slata agus rug sé leis iad agus nuair a chuaid sé go dtí an tig d’failtig athair a chéile roimis go tláth cúirteasach agus go h-aoinne eile a bhí sa tig acht níor chuir a bhean féin in aon chor isteach air. I giconn tamaill d’fiafruig sé dhi i rugadh sí leis abhaile.
   “Ní ragad” ar sise. “Cad a deineas as slíghe ort” ar seisean. Ar chuireas riamh as t-ainim thu nó ar bhuaileas buille ná busóg riamh ort. “Níor dheinis” ar sise “acht níor innis dom cad a chuir ag gairí thú. “Níor innseas an uair sin agus ní neósadh anois” ar seisean ag breith ar fhás na bliana agus ag tarrac uirthi, gur smíot sé fhás na fhás na bliana uirthi. D’fiafruig sé uirthi annsan i ragad sí leis. Dúbhairt sí na ragad. Rug sé ar fhás an dá bliadhan agus bhí sé ag tarrac uirthi chómh maith is bhí sé na ghéig an t-athair ar radh i gcomhnaidhe gan í spáráilt go dtí gur smiot sé fás a dá bhlian agus bhí sé ag bhreith ar fás na dtrí mbliadhan nuair dúbhairt sí go ragad sí leis. Seadh tháinig sí ar a cúlaibh ar a gcapall.
   Nuair a bhíodar ag deanamh ar an tig bhí a lámh ar a ghualainn agus bhothaig sí cnapán ar ghualainn a chasóige agus bhí sí ag méireamáil ar an gcnapainín go dtí gur bhain sí amach pé nídh a bhí istig ann agus chaith sí uaithe é, agus sé an rud a bhí sa cnapainín ná luibh a chuir bean ó’n saoghal eile a rug é treasna na h-abhann an oidhche a bhí sé ag teacht ó Corcaig agus ó’n lá san amach níor thuig Dómhnaill Ó Corcoráin aon nidhe ghadhar na luch na coileach agus mhairbheadar go síor crádhach an cuid eile dá saoghal.

   Scríbhte le Máirín Pádruig Uí Dála,
   Oilean Buídhe ó béal aithris
   Muiris Uí Chonaill, An Cilin Liath
   18-10-1936

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Innéacs seanscéalta

   AT0517: The Boy who Learned Many Things

   AT0670: The Animal Languages

   Teanga

   Gaeilge

   Bailitheoir

   Máirín Phádraig Uí Dhála

   Inscne

   Baineann

   Seoladh

   An tOileán Buí, Co. Chiarraí

   Faisnéiseoir

   Muiris Ó Connaill

   Inscne

   Fireann

   Seoladh

   An Chillín Liath, Co. Chiarraí