Scoil: Naomh Seosamh, Shrule

Ar an leathanach seo

1. Béaloideas

   

   Roinn Roinn Postáil

   [Bhí] fear agus a bhean in a gcomnaidhe i dteach uair amháin agus bhí mach amháin aca. Ní raibh aon mhaith [lei]s an mach acht ag goid. Bhí a athair ag obair le h-agaidh tighearna talmhan agus dubhairt an tighearna talmhan leis an athair an mach a chur ag fóghluimh [ró]gaireachta. Chuaidh an mach ag fóghluim rógaireachta agus nuair a bhí sé ceithre bliadhna imthighthe tháinig sé abhaile. Chuir an tighearna fios air agus chuaidh sé chuig an tighearna. Dubhairt an tighearna go mbeadh fear ag treabadh aige amháireach agus go gcaitfeadh an mach na capaill a goid uaidh. Chuaidh an mac ar-ais chuig an tighearna lá ar na bhaireach agus [r]ug sé ar trí coinníní. Leig-sé ceann de na coinníní amach nuair a tháinig sé go dtí an pháirc agus rith an coinín síos an scríob. Leig sé amach an tríomadh ceann annsin. Nuair a chonnaich an treabhadóir an coinín lean sé é agus an fhaid is a bhí sé gá leanamhaint bhí na capaill goidthe ag an roghaire agus d'innis sé an sgéal don tighearna. "Bí annseo aríst amáireach". Chuaidh sé chuig an tighearna an lá ar na bháireach agus dubhairt an tighearna leis go gcaithfead sé an braithlín a goid uaidh féin agus a bhean an oidche sin. Fuair fear bás an lá sin agus ins an oidche goid an rógaire an corp agus chuaidh sé go dtí [te]ach an tighearna talmhan agus chuir sé an corp in a seasamh taobh amuigh den fhuinneóig in a raibh an tighearna agus a bhean in a gcodladh.

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Innéacs seanscéalta

   AT1525: The Master Thief

   Teanga

   Gaeilge

   Bailitheoir

   Domhnaill Ó Ceallaigh

   Inscne

   Fireann

   Seoladh

   Dealgain, Co. Mhaigh Eo

   Faisnéiseoir

   Pádhraigh Ó Céidigh

   Inscne

   Fireann