School: Kilbaha
- Location:
- Cill Bheathach, Co. an Chláir
- Teacher: Pádraig Ceitinn
Archival Reference
The Schools’ Collection, Volume 0633, Page 368
Image and data © National Folklore Collection, UCD.
See copyright details.
DownloadOpen data
Available under Creative Commons Attribution 4.0 International (CC BY 4.0)
- XML School: Kilbaha
- XML Page 368
- XML “Muirisín Fhóidre”
Note: We will soon deprecate our XML Application Programming Interface and a new, comprehensive JSON API will be made available. Keep an eye on our website for further details.
On this page
- Muirisín Fhódeire
Sa tsean aimsir bhí fear beag agus a bhean na gcomhnuidhe in Iarthar Co. an Chláir in áit a dtuigtar Fódeire air. Bhíodh an firín seo ag taidhbhreamh go coitchianta go raibh poitín óir le fagháil fé chúinne Droichead Luimnigh. Sin é an droichead atá idir Co an Chláir agus Co Luimnigh. Sa deireadh thug sé cuaird ar Luimneach le súil go dtiocfadh sé suas leis an t-ór. Nuair do shrois sé an chathair do chrom se ag siubhal soir siar an droichead. thug fear fé ndear é, agus d'fhiafruigh sé de cian gnó a bhí annsan aige, nó cad b'as é. D'innis sé dhó go mbíodh sé ag taidhbhreamh go minic dá dtéigheadh sé go Luimneach go bhfaghadh sé pota óir fé chúinne an droichid seo. Dubhairt an fear beag leis ciall a bheith aige agus dul abhaile dhó féin, mar go mbíodh sé féin ag taidhbhreamh dá dtéigheadh sé siar go dtí Iarthar Co. an Chláir go bhfaghadh sé pota óir fé leac a bhí taobh amuigh de dhoruis Tighe Mhuirisín Fhóddeire.
Bhí go maith, is ní raibh go h-olc. Níor léig Muirisín aon rud air. D'iompaigh sé ar a shál agus níor dhein sé stad na staonadh go dtí gur shrois sé a thigh féin. D'éirigh se go moch maidin lá'r na mhárach. Fuair se ramhain agus piocóid agus thóg sé an leach a bhí taobh muigh den dorus. Ní miste a rádh go raibh iongantas uathbhásac nuair a fuair se an pota agus é lán go beal de phíosaí óir. Thug se isteach an pota(continues on next page)
