Scoil: Cúil Aodha (uimhir rolla 16521)

Ar an leathanach seo

1. Cúrsaí Bia (ar lean)

   

   Roinn Roinn Postáil

   (ar lean ón leathanach roimhe)

   Níor bhé an bíadh céadhna a bhíodh acu fadó agus atá acu anois. Prátaí ar fad a bhíodh acu fadó ach bhíodh mín-choirce agus bainne reamhar acu uaireanta. Iad féin a dheineadh an mhin choirce do mheilt. Bhíodh tráthanna áirighthe i rith na bliadhna agus bhíodh féasta ag na daoine. Sé an bíadh a bhíodh acu an uair sin ná mil agus arán cruithneachtan agus bhíodh té acu uaireanta. Ba mhinic a bhíodh staimpí agus praiseach acu. Seo mar a deintí an staimpí - gheibhidís na prátaí agus dheinidís iad do níghe agus do lomadh. Dheinidís iad do ghril annsan agus do bhácáil. Sé an sórd gril a bhíodh acu ná clúdach bosca agus poill déanta ann le tairgní. Ní deintí é d'úsáid d'aon ghnó eile ach do's na prátaí amháin.

   

   Tras-scríofa ag duine dár meitheal tras-scríbhneoirí deonacha.

   Stair Athraigh

2. Tithe

   

   Roinn Roinn Postáil

   

   Níl tú logáilte isteach, ach tá fáilte romhat tras-scríobh a dhéanamh go hanaithnid. Sa chás seo, déanfar do sheoladh IP a stóráil ar mhaithe le rialú cáilíochta.

   Ins na tigthe a bhíodh acu bíodh cuid na fallaí déanta de chré. "Fallaí fidín" a tigthaíar na fallaí san agus bhíodh tuille díobh déanta de chlocha. Sé an sórt dín a bíodh ortha ná scrat curtha anuas ar an adhmad agus tuighe nú fionnán deas mín anuas ar sin agus é ceangaile le slata ar a dtugtaí scuilb Fionnán an gnáth rud a bhíodh ann ach i dtigthe na n-uasal bhíodh giolcach i n-ionad an fhionnáin. Úrláir cré na gnáth úrláir a bhíodh ionta ach bhíodh leacacha a gcuid díobh. Croiceann gabhair a bhíodh ins na fuinneóga i n-ionad ghloine. Sé an glas a bíodh acu do'n doras na lúb as stapla ó'n dtaobh amuich agus bólta adhmaid ó'n dtaobh istig. Mura mbeadh an bólta ann chuirfidís sámh thach rámhainne nú rud éigin mar sin na choinnibh

   (leanann ar an chéad leathanach eile)

   Sábháil Cealaigh

   Conas tras-scríobh a dhéanamh »

   Má chliceálann tú ar an gcnaipe sábhála, glacann tú leis go mbeidh do shaothar ar fáil faoi cheadúnas Creative Commons Attribution-NonCommercial 4.0 International License agus gur leor nasc chuig dúchas.ie mar aitreabúideacht.

   Teanga

   Gaeilge

   Faisnéiseoir

   Seán Ó Loingsigh

   Inscne

   Fireann

   Aois

   53

   Gairm bheatha

   Gréasaí (Léirítear teidil na ngairmeacha i mBailiúchán na Scol sa bhunteanga inar cláraíodh iad)

   Seoladh

   Cúil Aodha, Co. Chorcaí