Scoil: Gurrane (B.) (uimhir rolla 14839)

Ar an leathanach seo

1. Scéal

   

   Roinn Roinn Postáil

   Alán bliadhanta ó shoin do bhí duine uasal 'na chómhnuidhe in áit éigin ins an mbaile seo. Protastúnach do b'eadh é. Feirmeóir mor do b'eadh é agus bhí alán ba aige. Bhí aodhaire aige i gcómhnuidhe chun aire thabhairt do's na ba, agus bhí Dómhnall Mor mar leas ainm air. Bhí aon bhó amháin ann agus bhí sí ana bhradach agus bhíodh sí ag deanamh a díchill i gcómhnuidhe ar dul isteach sa ghort. Fuair an duine uasal féin bás annsan i Mí na Lughnasa. Do chodhluigheadh an aodhaire i dtigín bheag a bhí ins an macha. Do bhí an duine uasal curtha trí seachtmhaine nú mar sin an uair seo agus chuir Dómhnall Mor na ba isteach i bpáirc a bhí le h-ais an ghuirt aon oidhche amháin. Amach i lár na h-oidhche ceadhna do glaodhadh air. "A Dhómhnall Mor eirigh agus cuir an bhó amach as an ngort" adubhairt an guth. Tháinig eagla ar Dómhnall Mor agus níor eirigh sé. Do glaodhadh air. An tarna h-uair ach níor eirigh sé. Do glaodhadh air an tarna h-uair ach níor eirigh sé agus do glaodh air an trímhadh h-uair: "A Dhómhnaill Mhóir eirigh agus cuir an bhó amach as an ngort nú beidh sé ithte aici." Do phreab sé amach as an leabaidh annsan agus chuaidh sé síos go dtían gort agus fuair sé an bhó bhradach istigh ann ceart go leór. Ní fheaca sé eoinne ach bhí dhios aige gurab é a mháighistir a ghlaodhaigh air agus é marbh trí seachtmhaine.

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Diarmuid Ó Corcora

   Inscne

   Fireann

   Seoladh

   Ard na Croise, Co. Chorcaí