Scoil: Tulca (uimhir rolla 1396)
- Suíomh:
- Na Tulacha, Co. Chiarraí
- Múinteoir: Mícheál Ó Dálaigh
Tagairt chartlainne
Bailiúchán na Scol, Imleabhar 0461, Leathanach 295
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- Bréagáin agus caitheamh aimsireSan áit seo ní bhíonn na páisdí ag déanamh bréagán fé mar do bhíodh siad fadó agus sé mo thuairim go bhfuil siad níos leisceamhla ná na páisdí a bhí ar scoil liom-sa agus mé im gharsún. Nuair [a] théighimís amach san ionad súgartha, deireadh duine go mbeadh sé mar ghiorfhiadh agus annsan [a] théigheadh na buachaillí eile ar a thóir. Thugadh sé aghaidh ar an gcnoc go minic, luigheadh sé cois claidhe nú ag bum carraige i dtreo is go ndéanfadh sé amadáin de na buachaillí eile. Nuair a bheireadh siad air, théigheadh buachaill eile amach mar ghiorfhiadh eile agus leanadh an spórt sin go gcloisimis an clog á bhualadh ag an máighistir. Pé [a]ca aimsir fhuar nú bhreágh a bhí ann, bhí an spórt san againn gach lá nach mór. Anois fanann na scoláirí le hais fallaí na scoile gan aon spórt ar siubhal aca.Sa Samhradh [a] bhíodh topaí adhmaid againn agus dheinimís cearcal san mbóthar nú san ionad súgartha agus dheinimís ár ndícheall na topaí do chur ag faoileáil lámh leis agus pé duine a dheineadh iarracht tuathalach -'s é sin a thopa do bheith ró-fhada ón gcearcal bhíodh iachall air é do fhágaint ar an mbóthar. Annsan chuireadh gach buachaill a thopa ag faoileáil ar an dtalamh, thógadh sé(leanann ar an chéad leathanach eile)
