Scoil: Cloonacool (uimhir rolla 4802)
- Suíomh:
- Cluain na Cúile, Co. Shligigh
- Múinteoir: Seán Ó Blioscáin
Tagairt chartlainne
Bailiúchán na Scol, Imleabhar 0171, Leathanach 107
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
- XML Scoil: Cloonacool
- XML Leathanach 107
- XML “Taibhsí”
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- Ní chreideann muinntir na glúine seo sna sidheóghaibh - nú pé sceál é ní thugaid mórán áirde orra sa bparaíste seo. Ach tá a mhalairt de scéal le h-innseacht i dtaobh na dtaibhsí. Cuid mhaith de na daonibh ní shéanann siad a gcreideamh ionnta siúd agus tá cuid diob-so a shéanann ba dhoiligh tabhairt orra dul i n-áitheaca áirithe go mall san oidhce. Na sgéalta taibhseamhla a bhín go minic i mbéalaibh na sean-daoine is cionntach leis sin is docha. Sgéalta áifeasa go leór seadh furmhór na sgéalta sin. Chonnacthas bean i n-am mairbh na hoidhche agus í ag siubhal an bothair go mear agus níor chuir si fuiseadh ar aoinne dá gcastaí uirri. Bh shin cruthú nár neach daonndha é. Amannta bionn na sgéalta níos cruinne. Chonnacthas daoine a bhí marbh le fada an lá chonnachtas iad sna h-aiteacheaibh a dtaithigheadh siad le n-a mbeó. Bionn faitchíos ar dhaoinibh dul sna h-áiteachaibh seó tréis tuitim na h-oidhche. Rud eile ní maith leó an bhaint a bheith aca le crainnte nú sgeáchaib a bhíod ag fás ins na h-áiteacha só a bhfuil droch-chail orra. Tá áit dén tsórt so ins an mbaile is giorra don scoil seo. Bhí crann ag fás ann ar a dtugadh “sgeach an tSóláis agus ar ór nó ar airgead ní bhacfadh sean-iondúirí leis an gcrann sin. Thárla nuair a bhí tighthe dá dtógáil i gcóir lear oibridhe sa bparaíste gur cinneadh ar dhá cheann do chur san áit sin. Rinneadh margadh le fear togháil tighthe leis an ndhá cheann sho a chur suas. Ach nuair a fuair sé amach go mbéadh air “sgeach an tSólais” do leagadh chuir sé shuas don chonnradh. Thanghthas ar sheift annsin. Rinneadh athrú ar phlean na dtighthe i dtreó is go raibh an sgeach ar an dtaobh thall den claidhe a bhí mar(leanann ar an chéad leathanach eile)
