Scoil: Druim na Rath (uimhir rolla 12428)

Ar an leathanach seo

1. An Báthadh Mór (ar lean)

   

   Roinn Roinn Postáil

   (ar lean ón leathanach roimhe)

   Dhúin Fionnachaidh ar son achan rud a dhearn siad fa choinne na creaturaí a bhí baithte. Chuaidh siad suas na roilige agus leóga chaoin siad a saith annsin, acht tugadh fa dear níor leig an t-sean-bhean deor, agus níor labhair sí focal le duine ar bith. Chaith siad seachtmhain ag bogádhaigh thart, agus ag cuairtuigheadh achan áit a rabh bád briste na luigh. Bhí an t-sean bheán leobhtha go 'ach an lá deirneach go rabh siad ann - sé lá deas grianmhair e - chuaidh siad uilig síos comh fada leis an bharra, agus an t-sean-bhean mar ceann-uarraidh ortú. Annsin fuair an t-sean-Chailleach a teanga. Bhí sgean gearr leithí na laimh. Chuaidh sí amach ins an uisge go rabh sí suas go dtí an muineal uirtí agus thoisigh sí ag cur a mallacht ar an uisge, gearr sí a laimh leis an sgin agus chaith sí a fuil i n-eadan na tonnaí, agus cuir sí a mallacht ar na tonnaibh, ar an tráigh, ar an chuan agus ar 'ach a'n iasg a bhí ins an chuan, agus ar gach rud eile a bhí ag baint leis. Deirtear gur Spey-bhean a bhí ins an Cailleach, acht cibé as ar bith d'fág na scadain an cuan o'n lá sin amach agus go cheann dhá go leith scor bhliadhain ní rabh scadán gaobhte i gCuan na Long. Annsin thoisigh siad ag teacht arais, acht ná rabh iasgaireacht ann cosamhail leis an iasgaireacht a bhí ann roimhe an bhaitheadh mór go dtí ar ama féin. Sé sin an sgéal a chualaidh me Liam Mac Ghiolla Sheanaigh ag innse fa dtaobh an baitheadh mór.

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Topaicí

   1. ócáidí
      1. cruatan (~1,565)
         1. bá (~292)

   Teanga

   Gaeilge

   Bailitheoir

   Éamonn Mac Dhúrnáin

   Inscne

   Fireann

   Gairm bheatha

   Múinteoir (Léirítear teidil na ngairmeacha i mBailiúchán na Scol sa bhunteanga inar cláraíodh iad)

   Faisnéiseoir

   Liam Mac Ghiolla Sheanaigh

   Inscne

   Fireann