Scoil: Béal na Cruite (Belcruit) (uimhir rolla 5734)
- Suíomh:
- Béal na Cruite, Co. Dhún na nGall
- Múinteoir: Aodh Ó Domhnaill
Tagairt chartlainne
Bailiúchán na Scol, Imleabhar 1058, Leathanach 90
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
Íoslódáil
Sonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
(gan teideal)
“Bhí doighteán i mBeul na Cruite an uair amháin nach rabh a leithead san chuid seo den tír roimhe sin na o thoin.”
Bhí doightheán imBeul na Cruite an uair amháin nach rabh l leithead san chuid seo den tír roimhe sin na o thoin. Tharlaigh an táisme bronach seo i dtráthaibh na bliadhna 1862. Thuas annso ar an Chaoran ilár an bhaile. Bhí Séimí a Maoigh agus a bhean agus a dtriur chloinne na gcomhnuidhe imbóthóig san ám. Bhí teach agus talamh aige istoigh ar an Cruit acht dálta go leor daoine san am sin chaitheadh sé an Geimhreadh agus tamall den Earrach amuigh ar an Chaorán ait a mbíodh sé comhgarach den mhoin. Leanann cuid de mhuinntear Beul na Cruite den nós sin go dtí an la bhfuil indiú ann. Tús an Earraigh bhí ann agus an aimsear mar d'iarrfadh do bhéal a bhéith. Inndeoin go rabh sí fuar go maith, ní rabh dadadh fearthana ann ar feadh tamaill maith agus bhí an caorán comh tirm sin go dtiocfadh le duine siubhal fríd ina rógha bhealach.Bhí an bhothóg 's aca na cheann mheasarda mor. Deánta ar thaobh na malach moire atá na luighe eadar bharr an Chruit agus loch na Cuiscrighe. Ag ceann amháin den bhothóig bhí poll san tuighe leis an toit a leigint amach. Ní rabh simléar ar bhothóig san ám sin, acht bhí an chuid sin den binn ar cheart an simlear a bheith ann(leanann ar an chéad leathanach eile)