School: Sliabh Riabhach

On this page

1. Táilliúir na Samhna

   

   Share Share Post

   Timcheall trí fichid bliadhain o soin bhí táilliúir 'na chómhnuidhe i mBaile Mhúirne agus tá sceulta móra á ínnsint mar gheall ar an dtáilliúir céudhna ó shoin. Níl fhios againn cad é an ainm ná an t-shloinne a bhí air ach bhí leas ainm air "Táilliúir na Samhna" Ní raibh tigh ná feirm ag an dtáilliúir ach is amhlaidh a [?]thagadh sé o thig to tigh ag deunamh an éadaig agus bhí sé de cháil agus de mholadh air go raibh sé chómh maith de tháilliúir is a bhí sé in Éirinn. Bhí buadh eile leis aige deireadh na daoíne ná raibh aon chuideachta scoruidheachta dob' fheárr ná é go raibh sé go h-ionghantach ar fad cun eachtra is sceultha fiannaidheachta d'ínnsint agus sceulta púcaí ba chuma ciacu fíor nó bréagach iad.
   Uair éigin i dtreó tosach na Samhna bhí sé ag obair i dtig fheirmeóra ar an Seana Chluain. Bhí seachtmhain no coighcígheas obaire le bheith aige ann agus mar ba gháthach leis ins gach áit a chuaidh sé líonadh an tig isteach gach oidhche de lucht scoruidheachta ag éisteach leis an dtáilliúir. Oidhche éigin díobh thairig sé chuge sceulta agus b'iad san na sceulta ionghantacha - sceulta púcaí a bhí ar siúbhal aige. Níor fhág sé spiorad ná samhail ná púca i gCorcaigh ná i gCiarraidhe nár innis sé sceul éigin mar gheall uirthi. Bhí sceul aige mar gheall ar sprid a bhí i Mullach na Mangartan agus ní ghabhadh aoinne ann o thuitim na h-oidhche

   (continues on next page)

   

   Transcribed by a member of our volunteer transcription project.

   History Edit

   Topics

   1. agents (~1)
      1. supernatural and legendary beings (~14,864)

   Language

   English

   Informant

   Diarmaid A' Chotair

   Gender

   Male

   Address

   An Sliabh Riabhach, Co. Cork