mbaintreach bhocht go gcaithfeadh sí í thabhairt duith.
D’iarr an bhean bhocht d’impí uirtí annsin putógaí na bó a thabhairt duith héin nuair a marógfaí an bhó. Thug. Nuair a fuair sí na putogaí thug sí léithe
iad agus chroch sí ar sgeich iad ar thaobh a’ bhóthair
An lá dar gcíonn bhí "Máire na gCloigeann" ag dul an bealach céanna i n-a cóiste. Nuair a
chonnaic na caiple na putóga ar a sgeich ghabh sgannradh iad agus siúd leó de ruathar isteach sa loch ar thaobh a’ bhóthair (Ballyturn Lake), gur báthú í
héin agus na caiple agus an cóiste.
Deirtear go bhfeictear an cóiste ó am go h-am. Bhí beirt fhear óg uair a’ tíocht ó Dhoire Caol go dtí aonach i n-Eanach (i n-aice le Kilbeacanty). Bhí sé an-mhoch ar maidin - ní rabh aon chloig ins na tigtha faoin tuaith an uair sin
agus shíl na fir óga go rabh sé níos deireannaaighe sa lá ná bhí sé. Nuair a tháiniceadar i bhfasgeacht achair gheairr don loch chonnaiceadar an cóiste a’
dul a’ bóthar agus na caiple ar cos-in-áirde.
Rinne na caiple caol díreach ar an loch go ndeacha
siad de léim isteach ann. Ní rabh aon amharc ar