Scoil: Cromghlinn (B) (uimhir rolla 12606)

Ar an leathanach seo

1. Toibreacha Beannaithe - Tobar Naoimh Bearnáin (ar lean)

   

   Roinn Roinn Postáil

   (ar lean ón leathanach roimhe)

   ithe agus ag ól, ag ceol agus ag damhsa. Do bhiodh chuile short idir biadh agus deoch le ceannacht ann, píobairí agus ceolteoraí as gach árd ag piobaireacht agus ag seinm ceoil ann, bacaigh agus lucht iarachta na déirce cruinnighthe ann. Bionn daoine ag tabhairt thuras ann fós acht ní bhíonn acht cúpla cead ann, agus ní fhanann siad ar bharr an chnuic acht tamall beag.

   Má bhionns duine nó paisde tinn agus má fhághann sé biseach, gealltar turas go Tobar Bearnáin, ar a shon. Teightear thart timcheall an tobair seacht n-uaire ar glúnaibh no cúig uaire deag ar siubhal, agus ar feadh an ama sin abruigheann siad an Paidrín Páirteach ó thús deireadh. Ceannuightear cupán den uisge agus óltar é, agus tugtar buidéal de abhaile. Tá leigheas ann do go leor thinnis, agus aichidí, agus galair.

   Tá fear beo san bparáiste seo a leighiseadh ann. Bí sé caoch agus é in a ogánach. Chaith se an oidhche roimh Lá Bearnáin ag an dtobar agus ar maidon, d'iompuigh sé thoir, agus chonnaice sé an ghrian ag eirigh. Chaith sé gach Lá Bearnáin o shoin ag an dtobar.

   Ní raibh an tobar gan uisge le cuimhneamh an duine is sine san áit. Creidtear nach feidir an t-uisge atá ann a fhiuchadh, acht tá faitchios ar na daoine iarracht a thabhairt chun é sin a dheanamh.

   Tá go leor paidrín agus buinn beannuighthe, agus rudai mar sin, a dfhág daoine a thug turas, crochta ar an mballa atá thart timcheall an tobair.

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Micheál de Búrca

   Inscne

   Fireann

   Aois

   12

   Seoladh

   Crumlin, Co. Galway