Scoil: Doire na Creiche

Ar an leathanach seo

1. Béaloideas

   

   Roinn Roinn Postáil

   Úair amháin do cómhnuig feirmeóir maith saidhbhir sa Cumar. Lá amháin do bhúaladh a bhean breóidhte go h-ana obann.
   Bhí a raibh do dochtúirí sa dúthaig a d'iarraig í leigheas ac níor eirig leo aon mhaitheas do dhéanamh di. Ní íosfadh sí agus ní ólfadh sí aon nídh úatha.
   Rud greanmhar a bhí sa sgéal. D'eirigheadh sí isd'oidhce agus do íosadh sí agus do óladh sí a dhá dóthain. Lá amháin bhí píosa laoigh fheóla beirbhighthe cun an dínnéir aige. D'eirig sí agus d'ith sí an fhéoil go léir. Núair a tháinig a fear cun a dhínnéir ní raibh aon nídh ann cuighe ach na cnámha. Bhí sé ar buile agus dúbhairt sé go gcaithfeadh sé fhághail amach cad a bhí uirthe. Níor stad sé go ndeachaidh sé go Gleann Garbh ag tríall ar "bhean feasa". Dúbhairt an bhean feasa nár bh'í sin a bhean anaoncor ach síobhthra a fhág na daoine maithe ann agus dúbhairt sí leis [?] an céachta d'fághail, é do deargadh sa teine, agus, annsan é do ropadh isteach fé na smig. Do dhein sé mar a dúbhradh leis agus má dhein do léim an bhean amach as an leabaidh; Amach an doras léi; do lean an fear í agus do chonnaic sé i ag déanamh ar lios a bhí inaice an tíghe. Ar an am gcéadhna bhí a bhean féin ag teacht treasna na páirche fé dhein an tíghe comh maith agus a bhí sí riamh agus níor búaladh teinn í as san amach.

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Topaicí

   1. gníomhairí (~1)
      1. neacha neamhshaolta agus osnádúrtha (~14,864)

   Teanga

   Gaeilge

   Faisnéiseoir

   Mrs Connell

   Inscne

   Baineann

   Aois

   70

   Gairm bheatha

   Farmer (Léirítear teidil na ngairmeacha i mBailiúchán na Scol sa bhunteanga inar cláraíodh iad)

   Seoladh

   Abha Chom Sheola, Co. Chorcaí