Scoil: Sean Bhaile Árd (uimhir rolla 14663)
- Suíomh:
- An Seanbhaile Ard, Co. na Gaillimhe
- Múinteoir: Tomás Ó Murchadha
Tagairt chartlainne
Bailiúchán na Scol, Imleabhar 0083, Leathanach 206
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
- XML Scoil: Sean Bhaile Árd
- XML Leathanach 206
- XML “Scéal”
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- Tá áit ar a dtugtar Croc-a-thochaill i bParáiste Caisleán Nua. Deirtear go mbíonn amharc aisteach le feiceál ann gach oidhche timcheall dó dhéag a chlog. Chonnaic a lán daoine é agus chonnaic an fear a d'innis an sgéal seo dhom é. Bhí sé féin agus cúpla fir eile ag teacht abhaile oidhche amháin. Do chaitheadar an oidhche roimhe sin ag imirt cártaí agus bhí sé timcheall trí a chlog ar maidin nuair a bhí siad ag teacht abhaile. Nuair a tháinic siad i ngar do Chroc-a-thochaill chonnaic siad an amharc is aistighthe a chonnauceadar ina saoghal ariamh. Ins an bpáirc atá leath-taobh an bhóthair chonnaiceadar sluagh mór cait agus iad ag rith go tapaidh cosamhail le capaill ag sodair. Do sheas siad ar an mbóthar agus niorbh'fhéidir leo foacl a radh acht ag féachaint ar na cait ag teacht. Nuair a tháinic na cait go dtí an balla a bhí ar taobh an bhóthair d'eirigh siad san aer agus leigeadar uile go léar "me-ow" brónach fada agus tháinic ar thalamh arís san bpáirc a bhí ar thaobh eile an bhóthair. Nuair a tháiniceadar ar thalamh thosuigheadar ag rith ceann in dhiaidh ceann go dtí tobar beag a raibh istigh san bpáirc. Nuair a tháiniceadar go dtí an tobar thosuigheadar in a thimcheall agus d'fan siad ag rith agus ag rith agus faoi dheire d'imthigh na fir ar a mbealach abhaile agus eagla mór ar fach duine aca. Deireann na daoine timcheall na h-áite go gcasann trí feilme móra ag an tobar agus gur dhubhairt gach feilméar gur leis féin an tobar agus bhí troid eatorra. Thug duine aca airm mór leis agus nuair a bhí sé ag siubhal ar Croc-a thochaill do chuir draoidh eicínt a bhí in a chomhnuidhe san áit(leanann ar an chéad leathanach eile)
