Oidhche Féil Bríghde a bhi ann agus bhí Rafterí an File ar cuairt i dteach i gCár Mór in aice le Gaillimh. Chuaidh muinntir an tighe amach ar cuairt go teach comhursana agus d’fág siad Rafterí leis fhéin istigh le aire a thabhairt do’n teach. Chuir sé an bolta ar an doras agus shuidh sé síos cois teine. Ní raibh sé i bhfad ann nó gur tháinig fear as an mbaile agus bhuail sé ar an doras. “Cé tá annsin?” adeir Rafterí. “Bláth na Bealtaine” arsan fear ag magadh. “Ní tús an domhain é ná deire na díle, is Bláth na Bealtaine ag tigheacht faoí Féil Bríghde” arsa Rafterí agus chuaidh an fear abhaile mar bhí fhios aige nach mbéadh sé in ann cainnt a chóimead le Rafterí.Seán Ó Séaghdha