Scoil: Dubh Achadh/Dooagh (B.)

Ar an leathanach seo

1. Diarmuid a' Reatha agus an Garlámhach (ar lean)

   

   Roinn Roinn Postáil

   (ar lean ón leathanach roimhe)

   tabhairt na mbeithidheach leobhtha dhá aindeoin, agus gan leath an airgid íoctha aca.

   Caith Diarmuid smugairle ar a mhaide, agus d’ionnsuigh sé iad, agus rith sé thríotha mar rithfeadh seabhach thríd ailt éanacha, gur bhuail sé iad agus gur thug sé leis an áirnéas, agus bhuail sé an bóthar ag tarraingt a-bhaile agus na beithidhigh leis.

   Lean beirt fhear é agus d’agair siad é na bheithidhigh a thabhairt dobhtha, agus go n-íocfadh siad an t-airgead go hiomlán. Fuair sé annsin luac na mbeithidheach, agus thug sé dóbhtha iad.

   Bhí allmharaigh móra as Cuan na Marbh ar an aonach ag amharc air, agus dubhradar gur gaisgidheach a bhí ann.

   Bhí feilmeara mór i gCuan na Marbh sínte ar theorainn leis na hallmhuraigh seo agus nuair a chonnaic seisean an gaisge a rinne Diarmuid, labhair sé leis agus d’iarr sé d’impidhe air, a theacht siar leis go tír Sheoigheach, agus go dtiubhrfadh sé a inghean dhó le póadh, agus go dtiubhrfadh sé gach uile nidh eile dhó dhá réir, acht a theacht agus a feiceáil agus muna dtaithnigheadh sí leis go dtáinigh leis gan a pósadh. Chuaidh sé siar leis go tír Sheoigheach nó go bhfaca sé an cailín, agus thaitin sí leis, agus dubhairt se le n-a hathair go nglacfadh sé léithi mar mhnaoi.

   Pósadh an lánamháin agus d’fhuagair an t-athair fleadh agus féasta ar feadh trí oidhche agus trí lá ag ithe agus ag ól, bhlas na meala ar gach ghreim,

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Séamus Ó Gallchobhair

   Inscne

   Fireann