Scoil: Gurrane (C.) (uimhir rolla 14840)

Suíomh:
Cluain Droichead, Co. Chorcaí
Múinteoir:
Eibhlín Ní Shéaghdha

Scag na scéalta

Taifeach: Íseal | Ard
Béaloideas ar Ghobnait Naofa Bhaile Mhúirne

Tagairt Chartlainne

Bailiúchán na Scol, Imleabhar 0326, Leathanach 403

Íomhá agus sonraí © Cnuasach Bhéaloideas Éireann, UCD. Féach sonraí cóipchirt »

Ar an leathanach seo

Inghean ríogh do b'eadh Gobnait naomhtha agus is san séamhadh chéad do mhair sí. Tá a hainm i measc na naomh is cáilmhire i nÉirinn. Do réir béaloideas na ndaoine d'fhág sí tig a hathar is í i mbláth na hóige a cráibhtheacht agus a féile fá ndeár soin.

Bhí cómhra mine coirce ag a hathair. Taghadh na daoine bochta ag trial ar an dtigh ag lorg na déirce go minic agus dheineadh Gobnait óg an mhin do roinnt ortha go fial is go flaitheamhail. Ar teacht don gorta, amhthach, thagaidís chúiche 'na sluaightibh móra agus do lean sí de bheith ag tabhairt na mine dhóibh. Ag a thabhairt sin fá ndeara dá hathair d'órduigh sé dí gan a thuilleadh den mhin do thabhairt uaithe ar eagla ná beadh a ndóthain acha féin, mar bhí an gorta ag druidim leó cheana féin. Acht níor staon Gobnait ó bheith ag tabhairt na mine do sna bochtaibh. Ní fheadfadh sí daoine d'fheiscint i ngábhtar gan foirithint ortha.
Fá dheire d'órduig a hathair dí an tig d'fhágaint agus d'imthig sí uirthi ar fán. Bhíodh aingeal i gcómhnaidhe ag cur cogair 'na clúais ag a cómhairliughadh gan fanamhaint i n-aon áit acht i n-áit i n-a mbeadh naoí gcinn d'fhiadhnaibh bána roimpe.
D'aimsigh sí trí cinn aca i mBaile i n-iarthar Chiarraighe agus d'fhan sí ann ar feadh tamaill agus

(leanann ar an chéad leathanach eile)
Bailitheoir
Pádraig Ua Duinnín
Inscne
fireann
Teanga
Gaeilge
Suíomh
Baile Bhuirne