Scoil: Drom Clúmhach (Dromclogh) (uimhir rolla 16246)
- Suíomh:
- Drom Cloch, Co. Chorcaí
- Múinteoir: Riobárd Ó Ceallaigh
Tagairt chartlainne
Bailiúchán na Scol, Imleabhar 0282, Leathanach 343
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- San Inid is mó a phóann na daoine sa cheanntar seo. Bíonn roinnt mhaith pósaidhthe ann Máirt Inide. Dar leis na daoine sa cheanntar is iad na laetheanta atá mí-rathmhail chun pósta ná an Luan, an Chéadaoin agus an Aoine. Ní phósann na daoine i rith an Charghaose, ná i rith na dtrí seachtmhaine roimh Nodlaig ach chomh beag.Is maith leis na daoine lá breágh gréine d'fhághail i gcóir an Phósta. Tá sean-fhocal ages na daoine i mBearla "Happy the bride the sun shines on."De ghnáth deintear margadh idir mhuinntir an fhir agus muinntir na mná atá le pósadh. Tugtar roinnt airgid do mhuinntir an fhir más ag dul isteach i bhfeirm a bhíonn an bhean. Tugtar airgead (fortún) do mhuinntir na mná má théigheann an fear isteach 'na feirm. "Clamhain (?) isteach" a tugtar ar an bhfear sin. Cleamhnas pósta a tugtar ar an margadh a deintear. Fadó do théigheadh an fear agus an bhean go dtí an séípéal ag marcuidheacht ar chapall, an bhean ar chúl an fhir. Taréis teacht abhaile do bhíodh féasta nó bainfheis mhór sa tigh aca - idtigh na mná. Do bhíodh togha bídh agus dighe aca, agus do bhíodh furmhór na ndaoine ar meisce. Thagadh na daoine óga sa cheanntar go dtí an tigh an oidhche sin agus do bhíodh amhráin agus rinncí aca go breachadh an lae 'máraigh.Anois ní théigheann an fear agus an bhean go dí an séipéal le chéile, agus gluaisteáin a bhíónn aca i n-ionad capaill. De ghnáth freisin téígheann an lánamha nua-phósta(leanann ar an chéad leathanach eile)
