Scoil: Com Sheóla (B) (uimhir rolla 15646)

Ar an leathanach seo

1. Sprid an Tinniúis

   

   Roinn Roinn Postáil

   Tá páirc timcheall leath mhíle ar an dtaobh thiar den scoil seo ar a nglaodhtar Páirc an Tinniúis. Deintí leathar do dheunamh ann timcheall ceithre fiche bliadhain ó shoin. Gabhann bóthar le h-ais claidhe na páírce sin.

   Do réir gach tuairisc áit ana uaigneach iseadh an áít sin mar is mó duine a chonnaic sprid i bhfuirm siorraidh ann ar uair mhairbh na h-oidhche.

   Timcheall deich mbliadna ar fhichid ó shoin do thuit so amach. Bhí fear ó Chúm Thóla ar aonach Baile Buidhe lá ag diol capaill. Fear abeadh é nar ól braon leanna na a leithéid riamh. Ar aon chuma nior dhiol sé agus bhí sé ag teacht abhaile an oidhche sin timcheall meadhon oidhche. Agus é díreach ag Páirc an Tinniús dairig sé rud eigin na dhiadh. D'fheuch sé taobh thiar de agus cad a bheadh ann ach siorrach beag ag teacht le cliathán an chapaill. Rug sé greim maith ar an gcailithín bhí na láímh agus dhein iarracht ar an siorrach do bhualadh leis ach má dhein nior bhuail mar chuaidh an tslat tríd díeach fé mar ná beadh ann ach aer. Ansann iseadh chuimhnig mo dhuine ar cad n bhí ann. Is minic cadna do gháir an fear ceadna so fé daoinibh a innseadh do go bhfeictí a leithéid ann. Do chrith a chapall fein fé agus seo chun bóthair é acht má dhein do lean an siorrach é go dtí go dtáinig sé go sruthán beag a bhí i ngiorracht cúpla cead slat dá bhaile fein. Do shrois an marcach agus an capall an tig acht ní mó na san é.

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Seán Ua Lineacháin

   Inscne

   Fireann

   Seoladh

   An Fearann Fada, Co. Chorcaí

   Faisnéiseoir

   Seán Ua hEaluighthe

   Inscne

   Fireann

   Aois

   92

   Seoladh

   An Fearann Fada, Co. Chorcaí