Scoil: Maghcromtha (B.)

Ar an leathanach seo

1. Seanscéal

   

   Roinn Roinn Postáil

   Sean-sgéal d’airgheas ó m’athair.

   Tímcheall triochad blian ó shoin bhí fear ‘na chomhnuidhe i mBóthar Mheasaí, Mághchromhtha. Cearrbhach do bheadh é aguss da bhíodh sé amuigh go déanach san oidhche. Oidhche áirighthe bhí sé ag teacht abhaile go h-an-dheanach. Bhí sé ag gabhbáil tré pháirc agus nuair tháinig sé go dtí geata na páirc cad a chífeadh sé ach bean ‘na suidhe anáirde ar an ngeata. Thug sé fá n-deara go raibh gruaig ruadh uirthi agus go raibh a súile ar lasadh. Bhí braoinín ólta ag an bfear agus do thosnuigh sé ag cainnt leí. Annsan bhí sé i gcómhacht na mná. Bhí canna aici agus d’iarr sí ar an bhfear an canna do líonadh le h-uisge. Annsan í féin do thógaint ar a bhaclainn thar an srutáine a bhí gairid dóibh agus dá mbeadh aon bhraon de’n uisge dortuighthe aige bheadh air filleadh [?] go dtí an geata arís. Bhí air an t-órdú sin a ghlacadh toisg go raibh sé ‘na cómhacht.
   Gabha do b’eadh an fear sin agus nuair bhíodh sé ag obair bhíodh an bean ‘na suidhe in aice leis. Níor fhéad sé an ruaig do chur uirthi agus níor bhféidir le h-aoinne í d’fheiscint ach an gabha féin. Bhí an fear bocht buailte amach aici mar ní leigfeadh sí dhó aon codhladh do dhéanamh. Tar-éis tamaill chuir sé fios ar sagart agus chuaidh an fear agus an sagart isteach i seómra agus do ghlaoidh an sagart ar an

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Séamas Ó Luanaigh

   Inscne

   Fireann

   Seoladh

   Maigh Chromtha, Co. Chorcaí