Scoil: Céim an Fhiaidh, Béal Átha'n Ghaorthaidh (uimhir rolla 16210)

Ar an leathanach seo

1. An Gorta (ar lean)

   

   Roinn Roinn Postáil

   (ar lean ón leathanach roimhe)

   gurb ainm do Seán Ó Suibhne agus cailleadh seisear cloinne air i mbotháinín leis an ocras. Cuireadh i reilig an Ghúagáin iad gan chómhrainn. Chuaid Pádraig Ó Liatháin ón dTúirín le h-Árd agus é ’na gharsún isteach i gcabhlaichín a bhí ar an mbaile sin. Bhí bean bhocht shuarach ’na suí cois na tine. “Nách cruaidh an saol é,” ar sise leis leis an ngarsún, “sin é mo mhac marbh annsan le trí lá agus ná faghainn éinne a chuirfeadh é.” Cailleadh draoidheacht daoine ar Dhrom an Ailtigh le hocras. Fuaradh fear agus bean marbh i mbotháinín ar Céim Corach Buaile.
   Bhí fear gurb ainm do Dónall Ó Liatháin ’na chómhnadhe ar Ghoirtín na Coille timcheall míle ó Sráid Bhéal átha-’n- Ghaorthaidh agus d’inis sé an scéal seo leanas ar an méid a chonaic sé féin den Ghorta.
   I dtosach a shaoil bhí sé i n-aimsir sa taobh thoir de Pharóiste Thuath na Dromann. Bhí sé lá agus ocras mór air agus gan aon fhághail aige ar aon ghreim bídh d’aon tsaghas. Bhí roinnt éigin pinginí airgid aige i bpoll chlaidhe agus nuair a chruaidh air dob’ éigin do dul go dtí an claidhe agus na pinginí a thógaint agus aghaidh a thabhairt ar Mhaghcromtha chun bulóige aráin do cheannach. Thóg sé gach cómhgar a fhéad sé agus ar a ghabháil síos go barra Bhóthar na Sop bhuail bean uime go raibh aithne aca ar a chéile. Labhradar le chéile suim focal. “Tar i leith,” ar sise, “go dtaispeáinfidh me radharc duit.” Ghluaiseadar le chéile go dtí geata Tighe

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Topaicí

   1. am
      1. tréimhsí staire sonracha (~25)
         1. an gorta mór (~4,013)

   Teanga

   Gaeilge

   Faisnéiseoir

   Pádraig Ó Murchadha

   Inscne

   Fireann

   Aois

   62

   Gairm bheatha

   Feirmeoir (Léirítear teidil na ngairmeacha i mBailiúchán na Scol sa bhunteanga inar cláraíodh iad)

   Seoladh

   Gort Luachra, Co. Chorcaí