Scoil: Baile an Sceilg (C.) (uimhir rolla 8350)

Ar an leathanach seo

1. Lópas na Leathbhróige (ar lean)

   

   Roinn Roinn Postáil

   (ar lean ón leathanach roimhe)

   ionghadh agus alltacht ortha a leithéid de bhear a bheith ar aon fhear beó. Bhí duine des na mnáibh agus bean óg misneamhail urrúsach ab eadh í agus dubhairt sí " beidh fios agam -sa cé tá ann pé' cu leó nó marbh é. Leanfadsa é agus tiocfhad suas leis sar a mbeidh sé ag an gcrosaire". Siúd amach ar an mbóthar í agus ní mór ná coiscéim siúbhail a bhí tabhartha aice nuair a shamhlaidh sí go raibh dar leí féinig rud éigin casta tímcheall a cosa agus d'fhéach sí thall is ibhfus uirthi féin mar do thuíll sí gurab é a "petticoat" nú a gúna a bhí tuitithe síos ar a cosa ach níorbh eadh bhíodar chómh fáisgithe ceangailte uirthi agus d'fhéadfaidís a bheith.Thug sí fé shiúbhal arís agus má thug n'fhéadfadh sí cos a chur thar an gcois eile. Do bhí rochal ar a cosaibh, do luig sí síos agus d'fhéach sí ar caol a dá cois. Bhí stráice éadaigh agus glas shnaidhmh air ar gach cois léi. Scaoil sí é agus cun siúbhail léi i ndiaidh fear na leath-bróige.Acht nuair a shrois sí an chros ní raibh aon radharc air agus ní raibh a bhreith ná thuairisg ann. Chuadar go Cathair Saidhbhín agus bhíodar ann roimh lá. Is dócha gurb é am mhairbh na h-oidhche a bhí ann nuair a chonnacadar fear na leath-bhróige.Thug sí léi abhaile an píosa éadaigh a bhí tímcheall ar a cosa agus dubhairt sí go mbeadh fios aice cad e an saghas éadaigh a

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Máire Ní Murchadha

   Inscne

   Baineann

   Faisnéiseoir

   Nóra Bean Uí Fhianachta

   Inscne

   Baineann

   Aois

   82

   Seoladh

   Baile an Sceilg, Co. Chiarraí