Scoil: Baile an Sceilg (C.) (uimhir rolla 8350)

Ar an leathanach seo

1. An Buachaill gur Theastaigh Cuntas uaidh cé acu ab Fhearr Slí a Athar nó a Mháthar chun Dé

   

   Roinn Roinn Postáil

   Bhí fear ann fadó agus bhíodh sé de nós aige mart do mharbhúghadh i n-onóir do Naomh Mártain gach aon bhliain nuair a thagadh Feile Naomh Mártain. Bhí sé ag cur de mar sin ar feadh beagán blianta agus do cailleadh é. An lá a bhítheas dá thórramh agus 'lá na sochraide b'iad na trí lá a tháinig riamh ba mheasa as an spéir le báisteach agus le gála, Bhí aon mhac amháin aige agus an cead Féile Naoimh Mártain a tháinig dubhairt an mac go leanfadh sé féin nós a áthar, Thug sé leis caoire ó'n gcnoc agus do mhairbh sé í , agus má mhairbh do thosnuig a mháthair á bhearradh agus á scóladh. Dubhairt sí leis nár bheag dá athair bheith símplídhe agus gan é sin a bheith ag leanúint an nós céadhna. Níorbh aon chabhair di bheith leis. Bhí an canncar chómh mór san uirthi gur scaip sí an teine dhearg amach ar an dteinteán. Bhí an cat 'na shuidhe ar lic an teínteáin agus do beir cuid de'n teine air, agus má bheir dhírigh sé ar bheith ag lasadh, agus má dhírigh siúd sa tsiubhal é anáirde ar an lochta agus sé an céad áit a bhuail leis ná cleibhín olna a bhí ar bhrághaid an lochta.Do sháidh sé é féin isteach san olainn agus má sháidh siúd leis an olainn ag lasadh. Nuair a chonnaic an bhean an olann fé theine do bhéic sí agus dubhairt sí go raibh a cuid airgid ar fad i gcliabh na h-olna agus go loiscfí é. Siúd anáirde ar an lochta í

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Innéacs seanscéalta

   AT0461: Three Hairs from the Devil's Beard

   Teanga

   Gaeilge

   Bailitheoir

   Síghle Ní Drisceóil

   Inscne

   Baineann

   Faisnéiseoir

   Mícheál Ó Siochfhradha

   Inscne

   Fireann

   Aois

   40

   Seoladh

   Buaile Uí Chuill, Co. Chiarraí