Scoil: Baile an Sceilg (C.) (uimhir rolla 8350)

Ar an leathanach seo

1. Cailín Aimsire an tSagairt

   

   Roinn Roinn Postáil

   Do bhí sagart ann fadó agus bhí sé ag léigheadh an oidhche seo, agus bhí tamall de’n oidhche caithte nuair a bhraith sé uaidh ceann de sna leabhair a dhearmhad sé sa tSéipéal. Dubhairt an cailín aimsire leis go raghadh sí fé na dhéin. Dubhairt an sagart léi go raibh sé ró-dhéanach san oidhche, ach d’imthig sé fé dhéin an leahair.
   Nuair a tháinig sí go dtí an Séipéal d’oscail sí an dorus. NI raibh aon ghlas air, mar ní bhíodh glas ar séipéal an uair sin. Nuair a bhí sí ag dul fé dhéin na h-Áltórach chualaidh sí an coisidheacht roimpi, agus níor stad sé gur bhain sé an Áltóir amach. Cad a bheadh ann ach gabhar, agus tá sé ráidhte riamh ó shoin nuair a théigheann gabhar sa teampall ná stadann go dtéigheann go h-Áltóir. Ach níor chuir san aon eagla ar an gcailín. Do bheir sí ar an ngabhar, agus chaith sí anuas don Áltóir é, agus thug sí léi an leabhar. Nuair a bhí sé ag teacht thar n-ais chonnaic sí na daoine sínte ‘na srathanna ar an dtalamh. Dubhairt duine acu léi deoch a thabhairt ‘na bhróig chuige. Do thug. D’ól sé é. D’fhiafraigh sí dhe cad a d’imthig ortha. Dubhairt go rabhadar ag troid agus seo mar a dhubhairt duine acu.-
   Triúr agus cúigear ó’n Scairt,
   Fear agus a sheachtar o Bhórd ó Fhínn,
   Siad do dhein an chortha ceart,
   Ar bhínse ais ar bruach na Síon.
   Do chuaidh an cailín abhaile go dtí an sagart, agus thug sí an leabhar do. D’innis sí a sgéal don sagart cad do bhuail roimpi

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Síghle Ní Drisceóil

   Inscne

   Baineann

   Faisnéiseoir

   Bríghid Ní Leathlobhair

   Inscne

   Baineann

   Aois

   80

   Seoladh

   Baile an Sceilg, Co. Chiarraí