Scoil: An Clochar, Cathair Saidhbhín (uimhir rolla 13542)
- Suíomh:
- Cathair Saidhbhín, Co. Chiarraí
- Múinteoir: An tSr. M. de Lourdes Stac
Tagairt chartlainne
Bailiúchán na Scol, Imleabhar 0476, Leathanach 257
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
Íoslódáil
Sonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
- XML Scoil: An Clochar, Cathair Saidhbhín
- XML Leathanach 257
- XML (gan teideal)
- XML (gan teideal)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
(gan teideal)
“Bhí trí máighistrí ar na feirmeóirí fadó, fé mar a déarfadh na sean-daoine leat, an báille, an tiománaidhe agus an "agent".”
Bhí trí máighistrí ar na feirmeóirí fadó, fé mar a déarfadh na sean-daoine leat, an báille, an tiománaidhe agus an "agent." Dhá uair sa bhliadhain a dhíolaidís an cíos. Thagadh an báille cúcha mar seo cúpla lá roimh an aonaigh, agus thugadh sé órdú dian d'fhear an tighe an cíos bheith aige lá an aonaigh. Annsan thagadh fear a' tighe sa chathair, agus thugadh sé an cíos do'n agent. Muna ndíólfadh sé an cíos i gcionn ama áirighthe bheadh an sirriam chuige. Bhí fear i bparóiste na Droimide nár dhíol pingin cíosa tráth tráth éigin de'n bhliadhain. Tháinig an báille chuige agus bhí fhios aige seo go raibh sé ag teacht. Do dhún sé an doras agus chuir sé na ba ag triall ar an gcomharsain, agus bheir sé an t-aon mhuc amhain isteach san teinteán. Nuair nár fhéad an sirriam gabháilt isteach do chuaidh sé siós an tsemné agus do bheir sé leis an mhuc. Nuair a bhíodh fhios ag na daoine go mbíodh an sirriam ag teacht, bhainidís na buinn o'n a mbuidéil agus bídís ag béicigh leó. Aoinne go mbíodh coinne aige leis an sirrriam, chuireadh sé a chuid mhaoin in áit éigin ná déanfadh an siarram amach é.
(gan teideal)
“Deirtear go bhfuil abha leamhnachta ag rith san bhFlaitheas….”
Deirtear go bhfuil abha leamhnachta ag rith san bhFlaitheas agus dá bhrigh sin bhíodh sé de nós ag na daoine fadó sáspann a cheannach tar-éis bháis leinbh agus é a thabhairt do leanbh eile.(leanann ar an chéad leathanach eile)