Scoil: Waterville (C.) (uimhir rolla 16015)

Suíomh:
An Coireán, Co. Chiarraí
Múinteoir:
Helen O' Sullivan

Scag na scéalta

Taifeach: Íseal | Ard
Pádraig agus na Beachaí

Tagairt Chartlainne

Bailiúchán na Scol, Imleabhar 0475, Leathanach 181

Íomhá agus sonraí © Cnuasach Bhéaloideas Éireann, UCD. Féach sonraí cóipchirt »

Ar an leathanach seo

Pádraig agus na beachaí.

Tráth amháin bhí sé ag tabhairt seanmóra uaidh agus d’ársuigh sé an scéal ar Jónas nuair a bhí sé ar an luing agus an long ar tí báidhte mar gheall air nach ndeanfadh sé an ní a dubhairt Dia leis.
Ar chríochnughadh na seanmóra do Phádraig bhí sé ag imtheacht, agus labhair Páganach suas leis. “Cá mholaim an cineál cirt agus córa atá aige do Dhia-sa” adeir sé.
“Cad chuige?” arsa Pádraig,
“Má’s fíor an sgéal d’ársuigh tú tamall beag ó shoin” adeir sé, “bhí sé ar tí lucht luinge uilig a bhádhadh ar son coire duine amháin. An breitheamh is measa bhí ariamh in Éirinn cha dteanfadh sé a leithéid sin.”
“Tar liom-sa, a fhir cóir” arsa Pádraig agus thug sé leis go bruach chaonaigh innseach é, áit a rabh fhíos ag Pádraig go raibh nead beach innti.
“Och, fan annso” a deir Pádraig “go bhfuighidh mé cisín le h-aghaidh na beachaí seo a chur ann. D’imthigh Pádraig, agus, ag tilleadh ar ais dó agus fuair sé an Páganach ar mire ag troid go calma leis na beachaibh, ag léimnigh ar an chaonach agus na céadtain aca marbh aige faoi na chosaibh agus na thimcheall uilig ar an talamh.

(leanann ar an chéad leathanach eile)
Teanga
Gaeilge