Scoil: Waterville (C.) (uimhir rolla 16015)
- Suíomh:
- An Coireán, Co. Chiarraí
- Múinteoir: Helen O' Sullivan
Tagairt chartlainne
Bailiúchán na Scol, Imleabhar 0475, Leathanach 171
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- Oráid an Mhangaire ar aonach Bhaile na Móna.Ho! Stad annsan a láirín. Baile ó Dhia oraibh a cháirde. Táim ag teacht in bhur measg i mbliadhna arís. Níl sibh tuirseach díom fós is dócha. Nílim-se turiseach díbhse go h-áirithe agus mar leis sin de ní dóigh liomgo mbéinn turiseach díbh go bráth, mar is breágh liom mar ceannuighthear uaim annso i gcomhnuidhe.
Anois, A Shighle, éirigh id’ seasamh is tuirling. An id’ chodladh ataoi, nó an amhla mheasann tú sinn do choimeád annso ar feadh an lae ag feitheamh ort? Brostuigh ort in ainm na fláige; féach an capall nach mór sgurtha agam agus tusa ar do chorra-ghiob annsan istigh fós. Seadh, seadh; go réidh anois na bris do luirgní do bharr dheithnis nó rud ba mheasa ‘ná soin dúinn go léir, ná bris na trusgáin ar na daoinibh seo go mbéid’ siad ag teastáil uatha. Ná sleamhnuigh anois. Sin é é. Mhuise, mo ghraidhn chroidhe thú, is breágh thugais é sin. Bhís uair agus ba bheag ort ceann do b’aoirde ‘ná é sin do thabhairt. An cuimhin leat an lá thugsais Cumar an Phúca d’éin-léim amháin? – Níor chaillis an sean-lúth fós go h-áiarithe. Geoch amach a láirín. Hó! Stad annsan anois. Ní mór dhom rud éigint do thabhairt duit le n-ithe ní baoighal go n-eiteóghair é.(leanann ar an chéad leathanach eile)
