Scoil: Waterville (C.) (uimhir rolla 16015)

Suíomh:
An Coireán, Co. Chiarraí
Múinteoir:
Helen O' Sullivan

Scag na scéalta

Taifeach: Íseal | Ard
Amuigh san Oíche

Tagairt Chartlainne

Bailiúchán na Scol, Imleabhar 0475, Leathanach 147

Íomhá agus sonraí © Cnuasach Bhéaloideas Éireann, UCD. Féach sonraí cóipchirt »

Ar an leathanach seo

Amuigh san Oidhche

Bhí garsún ann fadó agus bhíodh sé ag fuireach amuigh san oidhche ag imirt cártaí agus bhíodh a mháthair a rádh leis i gcomhnuidhe nár cheart do bheith ag fuireach amuigh chomh deireannach, ach ní raibh aon toradh aige uirthi, agus lean sé air.
Bhí sé ag teacht abhaile oidhche agus bhuail Sochraid leis ach ní raibh ach triúr fé’n choifín. Leagadh an choifén os a chomhair ar an mbóthar agus tháinig fear i leith chuige.
“Cá rabhais go dtí an t-am so d’oichche?” arsa an fear leis. “Bhíos ag imirt cártaí” arsa an buachaill. “Bí istigh annso fé’n choifín seo” arsan an fear. “Is mór an náire dod’ leithéid do bheith ag siúbhail an bhóthair agus sinn-ne marbh ag an obair seo. Chuaidh an buachaill fe’n choifín mar ceathramhadh duine agus bhí eagla mór air. D’imthigheadar leo agus bhíodar ag imtheacht agus ag imtheacht gur glaodhaidh an coileach. Leagadh an choifín ar an mbóthar annsan agus dubhradh leis dul abhaile do féin.
Bhí sé deich míle ó bhaile. Thug sé mí ar an leabaidh agus níor chuaidh sé ag imirt chártaí ó shoin.

Teanga
Gaeilge