Scoil: Cill Mac Ciarainn (uimhir rolla 13796)

Ar an leathanach seo

1. (gan teideal)

   “Bhí bean ann fadó agus is é an ceárd a bhí aici ná ag auíomh gach oidhche...”

   

   Roinn Roinn Postáil

   Pádraig Ua Súilleabháin Cúmastabha 70 bl. d’innis

   Bhí bean ann fadó agus is é an céard a bhí aici ná ag sníomh gach oidhche. Thagadh bean amach as an lios gach oidhche chun cabhair a thabhairt di. Tháinig sí isteach chúichi lá a’s bhí deabhadh mór ar an mhnaoi chun an olann a bheith déanta aici. Bheir an bhean sidhe an t-olann léi go dtí an lios. D’innis sí a h-ainm do’n mhnaoi tighe nuair a bhí sí ag imtheacht a’s dubhairt sí léi gan a h-ainm a dhearmhad mar ní faghadh sí an snáth thar n-ais gan an t-ainm aici. Nuair a bhí an sídheóg imthighthe bhíodh an bhean ag rádh na h-ainme gach neómat ar eagla go ndeunfadh sí dearmhad air. Chuaidh sí a chodhladh an oidhche sin a’s nuair dhúisig sí ar maidin níor fheád sí cuimhneamh ar an ainm. Bhí sí i gcruadhchás a’s an aimsir ag imtheacht mar gur beag an spás bí fachta aici – mí. D’imthig mí a’s d’imthig bliadhain a’s lá a’s níor chuimhnig sí air. Tráthnóna an lae sin bhí an bhean ag tiomáint bó i bpáirc a’ leasa a’s chualaidh sí ceól sa lios. Do stad sí ag éisteacht is chualaidh sí an bhean ag amhrán:

   Dá mbeadha mo ainmse
   Aige bean ar an mbaile seo
   Mar atá a h-ainm sin agam sa
   Teipel Tuaipil ceann ar tuathal

   Nuair chualaidh an bhean na focail siúd léi fé dhéin an leasa agus ghlaoidh amach go h-árd “Teipel, Tuapail cuir amach mo snáth” Tugadh an snáth di agus dubhairt an sídheóg léi go raibh sí féin ar imtheachta as an lios agus go raibh sí lán t-sásta an snáth a thógaint uaithi.

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Topaicí

   1. seánra
      1. filíocht
         1. filíocht na ndaoine (~9,504)

   Innéacs seanscéalta

   AT0500: The Name of the Helper

   Teanga

   Gaeilge

   Faisnéiseoir

   Pádraig Ua Súilleabháin

   Inscne

   Fireann

   Aois

   70

   Seoladh

   Com Dhá Stogha, Co. Chiarraí