Scoil: Cill Mac Ciarainn (uimhir rolla 13796)

Ar an leathanach seo

1. Gaiscígh na Comharsanachta

   

   Roinn Roinn Postáil

   Máire Ní Cúrnáin 12 bl. a h-athair Domhnall – Málainn

   Gaiscidhig na Comharsanachta

   B’é Eóghan Ua Súilleabháin Duilleach ó Tullaig an fear ba treise bhí sa ceanntar so ó Domhnall Cheanneiche anuas. Bhí sé ag teacht ó’n dtráigh lá le h-ualach mór nuair a bhris an roth ag árd Cheanneiche. Bheir sé ar an ‘axle’ ‘na láimh. Choimeád sé suas an t-ualach slán go dtáinig sé go dtí an taobh abhus do Thullaig. Uair eile chuir capaill i gcoinnibh ualaigh ag Caol na h-Eachraidhe. Dubhairt Eóghan leó an capaill do scuir. Do dheineadar. Chuir shé an slabhra droma treasna ar ucht air is dubhairt sé leó sáthadh leis. Do dhein beirt aca acht nuair chonnac duine aca go raibh Eóghan ag breith an ualaigh leis amach an ardán buille ag preabarnaigh thairring an t-anchuínse an trucaill siar acht bheir Eóghan amach na aimhdheóin í. Chuir sé na h-órdóga síos tríd an mbóthar fliuch mar bhí sé cosnochtuighthe. Lá eile chuir sé trucaill lán suas de fheirciníbh ime aníos as atrainn na lána chómh h-aosáideach is chuireadh duine eile faoilín móna.
   2. Domhnall Cheanneiche.
   Thiar ar an gCeann eich do. Tá leach uaigh i Roiligh na Dromada. Ní fhéadfadh triúr nó ceathrar é bhreith ró fhada leó. Deirtear gur árduigh Domhnall leis é ar a dhrom ó Cheann eich go dtí an roilig.
   3. Bhí fear ar an Dromaireach caogadh bliadhain ó shoin agus do tharraing sé tuighe ar a dhrom ó Faill an Locha go Dromaireach. Seán Fhíonáin Ua Súilliobháin do b’ainm do.
   4. Thug Séamus Ua Dálaigh ó Cúmastabha leath mhála mine agus peidhre bróg ‘na béal ó bun an phóirse go dtí a thigh féin. Timcheall leath mhíle slighe sa turas.

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Topaicí

   1. gníomhairí (~1)
      1. pearsana stairiúla (~5,068)

   Teanga

   Gaeilge

   Bailitheoir

   Máire Ní Chúrnáin

   Inscne

   Baineann

   Aois

   12

   Seoladh

   Málainn, Co. Chiarraí

   Faisnéiseoir

   Domhnall Ó Cúrnáin

   Gaol

   Tuismitheoir

   Inscne

   Fireann

   Seoladh

   Málainn, Co. Chiarraí